ଭୁବନେଶ୍ବର: ବିଜେପି ରାଜ୍ୟ ସଭାପତି ସମୀର ମହାନ୍ତିଙ୍କ ପ୍ରେସମିଟ । ମୁଖ୍ୟମନ୍ତ୍ରୀଙ୍କୁ ୫ ପ୍ରଶ୍ନ ପଚାରିଛନ୍ତି ସମୀର ମହାନ୍ତି । ମୁଖ୍ୟମନ୍ତ୍ରୀ ପିପିଲି ପ୍ରଚାର ବୃଦ୍ଧ ବ୍ୟାଘ୍ରର କଙ୍କଣ ଦାନ ଉପାଖ୍ୟାନ ବୋଲି କହିଲେ ସମୀର । ପିପିଲିର ଭୋଟର ଯେଉଁ ପ୍ରଶ୍ନ କରୁଛନ୍ତି ତାହା ମୁଁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦୋହରାଉଛି ।
୧ - ଏବେ ଠାରୁ ଯଦି ସେ ପିପିଲିର ଦାୟିତ୍ବ ନେବେ ପୂର୍ବରୁ କିଏ ଦାୟିତ୍ବ ନେଇଥିଲା ତାହା ସ୍ପଷ୍ଟ କରନ୍ତୁ ?
୨ - ପିପିଲିର ଚାନ୍ଦୁଆ କଥା କହୁଥିବା ମୁଖ୍ୟମନ୍ତ୍ରୀ ଉତ୍ତର ରଖନ୍ତୁ ପିପିଲିକୁ ହିଂସ୍ର କିଏ କରିଛି ?
୩ - ପିପିଲିର ଦଳିତ ଝିଅ ବେବିନା ଓ ଇତିଶ୍ରୀକୁ ନ୍ୟାୟ ମିଳିଛି କି ମୁଖ୍ୟମନ୍ତ୍ରୀ ଜବାବ ରଖନ୍ତୁ । ମୁଖ୍ୟମନ୍ତ୍ରୀଙ୍କ ତାଲିକାରେ ଏମାନେ ନାହାନ୍ତି କି ?
୪ - ମୋଦି ପଠାଇଛନ୍ତି ଫନି ଟଙ୍କା କିନ୍ତୁ ପିପିଲିରେ ପଲିଥିନ ତଳେ ରହୁଛନ୍ତି ଲୋକେ । ଅନେକ ଲୋକେ କାହିଁକି ଭଙ୍ଗା କୁଡ଼ିଆରେ ରହୁଛନ୍ତି ମୁଖ୍ୟମନ୍ତ୍ରୀ ଉତ୍ତର ରଖନ୍ତୁ ?
୫ - ପଳାତକ ଘୋଷଣା ହୋଇଥିବା ଧୀରେନ୍ଦ୍ର ସାମନ୍ତ ରାୟ ଓ ରାଜା ମୁଖ୍ୟମନ୍ତ୍ରୀଙ୍କୁ ନବୀନ ନିବାସରେ ସାକ୍ଷାତ କରିଛନ୍ତି । ମୁଖ୍ୟମନ୍ତ୍ରୀ ଏହା କରି ହିଂସାକୁ ପ୍ରୋତ୍ସାହନ ଦେଉ ନାହାନ୍ତି କି ?
ଭୁବନେଶ୍ବରରୁ ତପନ କୁମାର ଦାସ,ଇଟିଭି ଭାରତ
