ଭୁବନେଶ୍ବର: ରାଜ୍ୟପାଳଙ୍କୁ ଭେଟିଲେ ବିଜେପି ଟିମ । ରାଜ୍ୟ ସଭାପତି ସମୀର ମହାନ୍ତିଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଓଡିଶାର ରାଜ୍ୟପାଳଙ୍କୁ ଭେଟି ଜାନୁଆରୀ 5 ତାରିଖରେ ପଞ୍ଜାବରେ ପ୍ରଧାନମନ୍ତ୍ରୀଙ୍କ ବିରୋଧରେ ହୋଇଥିବା ଷଡଯନ୍ତ୍ର ପ୍ରସଙ୍ଗରେ ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ ଦେଶର ପ୍ରଧାନମନ୍ତ୍ରୀ କୌଣସି ନିର୍ଦ୍ଧିଷ୍ଟ ଦଳର ନୁହେଁ ।
PM Modi Security Lapse: ରାଜ୍ୟପାଳଙ୍କୁ ଭେଟିଲେ ବିଜେପି ଟିମ
ତାଙ୍କୁ ସୁରକ୍ଷା ଦେବା ଆମ ସମସ୍ତଙ୍କ କର୍ତ୍ତବ୍ୟ । ଯେଉଁ ସ୍ଥାନରେ ପ୍ରଧାନମନ୍ତ୍ରୀଙ୍କୁ 20 ମିନିଟ କାଳ ଠିଆ ହେବାକୁ ପଡିଥିଲା । ଭାରତ-ପାକିସ୍ତାନ ବର୍ଡର ମାତ୍ର 20 କି.ମି ଦୂରରେ ଯଦି କିଛି ଅଘଟଣ ଘଟିଥାନ୍ତା ସେଥିପ୍ରତି କିଏ ଦାୟୀ ରହିଥାନ୍ତା ଏବଂ ସେହି ରାସ୍ତାରେ ବିକ୍ଷୋଭକାରୀଙ୍କୁ ବିକ୍ଷୋଭ କରିବାକୁ କିଏ ଅନୁମତି ଦେଲା ବୋଲି ବିଜେପି ପ୍ରଶ୍ନ ଉଠାଇଛି ।
ଏହା ସହ ଏହି ଘଟଣା ପରେ ପଞ୍ଜାବ ଯୁବ କଂଗ୍ରେସର କର୍ମକର୍ତ୍ତା ଯେଉଁ ଟ୍ୱିଟ କରିଛନ୍ତି ତାହାକୁ ଓଡିଶା ବିଜେପି ପକ୍ଷରୁ ଦୃଢ଼ ନିନ୍ଦା କରାଯାଇଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
