ଭୁବନେଶ୍ବର: ରାଜଧାନୀରେ ସିରିଜ ଦୁର୍ଘଟଣା। ରେଲ ସଦନ ନିକଟରେ ଛିଟିକିଲା ବାଇକ ଓଲଟିଲା କାର। ଏକ ନୀଳ ରଙ୍ଗର ପୋଲୋ କାର ଧକ୍କା ହେବା ପରେ ସିରିଜ ଦୁର୍ଘଟଣା ଘଟିଛି। ପଟିଆପଟୁ ଆସୁଥିବା କାରଟି କ୍ଷିପ୍ର ବେଗରେ ଆସି ପ୍ରଥମେ ବାଇକ ଆରୋହି ପରେ ନାଲି ରଙ୍ଗର ହୁଣ୍ଡାଇ କାର ଓ ପରେ ଏକ ଟ୍ରକ ପଛପଟେ ଦେଇଥିଲା ଧକ୍କା। ଫଳରେ ବାଇକ ଆରୋହr ରାସ୍ତା ଆରପାରିରେ ୩୦ମିଟର ଛିଟିକି ପଡିବା ସହ ପୋଲୋ କାରଟି ଡିଭାଡରରେ ପିଟି ହୋଇ ଓଲଟି ପଡିଥିଲା।
ରାଜଧାନୀରେ ସିରିଜ ଦୁର୍ଘଟଣା,ବାଇକ ଧକ୍କାରେ ଓଲଟିଲା କାର
ଘଟଣା ପରେ ନାଲି ହୁଣ୍ଡାଇ ଆଇ.୨୦ କାରଟି ଏକ ଟ୍ରକ ପଛପଟେ ପିଟିହୋଇ ଦୁର୍ଘଟଣା ଗ୍ରସ୍ତ ହୋଇଛି। ଘଟଣାସ୍ଥଳରେ ପୋଲିସ ସହ ସ୍ଥାନିୟ ଲୋକଙ୍କ ସହାୟତାରେ ଆହତଙ୍କୁ ଉଦ୍ଧାର କରି ହସପିଟାଲକୁ ପଠାଯାଇଛି । ତେବେ ବାଇକ ଆରୋହି ସହ କାର ଡ୍ରାଇଭର ସମେତ ଦୁର୍ଘଟଣାରେ ମୋଟ ୪ଜଣ ଗୁରୁତର ଆହତ ହୋଇ ନିକଟସ୍ଥ ଘରୋଇ ହସପିଟାଲରେ ଭର୍ତ୍ତି ହୋଇଛନ୍ତି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
