ଭୁବନେଶ୍ବର: ଗୋଲାପ ମାଉସୀଙ୍କ ଛୋଟିଆ ପ୍ରୟାସ । ଭୋକିଲାଙ୍କ ପେଟଙ୍କୁ ଦେଉଛି ଦାନା । କୋରୋନା କାଳରେ ଅନେକ ଲୋକ ଜୀବିକା ହରାଇ ଘରେ ବସି ରହିଛନ୍ତି। ଅନ୍ୟପଟେ ଲକଡାଉନ କାରଣରୁ ଅନେକ ଗରିବ ଖଟିଖିଆ ଦୁଇ ଓଳି ଦୁଇ ମୁଠା ଖାଇବାକୁ ପାଉନାହାନ୍ତି । ଏଭଳି ସମୟରେ ରାଜଧାନୀ ସାଇନ୍ସ ପାର୍କ ବସ୍ତିର ଗୋଲାପ ମାଉସୀ ନିଜର ସ୍ବଳ୍ପ ପଇସା ଓ ଗ୍ରୁପରୁ ଋଣ ଆଣି କୋରୋନା ଯୋଦ୍ଧା ସଫେଇ କର୍ମଚାରୀଙ୍କୁ ରନ୍ଧା ଖାଦ୍ୟ ବାଣ୍ଟୁଛନ୍ତି।
ସଫେଇ କର୍ମଚାରୀଙ୍କୁ ରନ୍ଧାଖାଦ୍ୟ ବାଣ୍ଟୁଛନ୍ତି ଗୋଲାପ ମାଉସୀ
ଦୈନିକ ସେ ୩୦ରୁ ଉର୍ଦ୍ଧ୍ବ ଲୋକମାନଙ୍କୁ ଶୁଖିଲା ଖାଦ୍ୟ ସହ ରନ୍ଧାଖାଦ୍ୟ ଦେଉଛନ୍ତି । ତେବେ ଗୋଲାପ ମାଉସୀ ଚାଳିଆ ହୋଟେଲଟିଏ କରି ନିଜର ପରିବାର ପ୍ରତିପୋଷଣ କରନ୍ତି। କିନ୍ତୁ ଲକଡାଉନ ପାଇଁ ଦୋକାନ ବନ୍ଦ ଥିବାରୁ ସେ ନିଜେ ରୋଷେଇ କରି ମାଗଣାରେ ଗରିବ ଲୋକଙ୍କ ସମେତ ସଫେଇ କର୍ମଚାରୀଙ୍କୁ ରନ୍ଧା ଖାଦ୍ୟ ବାଣ୍ଟୁଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
