ହାଇଦ୍ରାବାଦ: ସାଉଥ ସୁପରଷ୍ଟାର ନାଗାର୍ଜୁନଙ୍କ ବଡ଼ ପୁଅ ନାଗା ଚୈତନ୍ୟ ଖୁବଶୀଘ୍ର ହାତକୁ ଦି'ହାତ ହେବେ । ସେ ଅଭିନେତ୍ରୀ ଶୋଭିତା ଧୂଲିପାଲାଙ୍କୁ ବିବାହ କରିବେ ।ଗତ ଅଗଷ୍ଟ 8 ରେ ଏହି କପଲ ନିର୍ବନ୍ଧ କରି ସମ୍ପର୍କକୁ ଅଫିସିଆଲ କରିଥିବା ବେଳେ ବର୍ତ୍ତମାନ ସାତ ଜନ୍ମର ସାଥୀ ହେବାକୁ ପ୍ରସ୍ତୁତ ଉଭୟ । ଏବେ ଏହି କପଲଙ୍କ ପ୍ରି-ୱେଡିଂ ସମାରୋହ ଆରମ୍ଭ ହୋଇଛି । 29 ନଭେମ୍ବର(ଶୁକ୍ରବାର) ସକାଳେ ଏହି ଦମ୍ପତିଙ୍କ ହଳଦୀ ସେରମନି ହୋଇଥିବା ବେଳେ ସୋସିଆଲ ମିଡିଆରେ ଏହି ସମାରୋହର ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି ।
ନାଗା-ଶୋଭିତାଙ୍କ ହଳଦୀ ସେରମନି
ସୋସିଆଲ ମିଡିଆରେ ଭାଇରାଲ ହେଉଥିବା ଫଟୋ ଏବଂ ଭିଡିଓରେ ନାଗା ଏବଂ ଶୋଭିତାଙ୍କୁ ଦୁଇଟି ଭିନ୍ନ ପୋଷାକରେ ଦେଖିବାକୁ ମିଳିଛି। ଗୋଟିଏ ଫଟୋରେ ଶୋଭିତାଙ୍କୁ ହଳଦିଆ ସେରମନି ପାଳନ କରୁଥିବା ଦେଖବାକୁ ମିଳିଛି । ଅନ୍ୟଟିରେ ମଙ୍ଗଳା ସ୍ନାନମ୍ ପାଇଁ ପ୍ରସ୍ତୁତ ଥିବା ଦେଖିବାକୁ ମିଳିଛି । ପରିବାର ସଦସ୍ୟ ଅଭିନେତ୍ରୀଙ୍କ ସହ ମଙ୍ଗଳା ସ୍ନାନାମ ରୀତିନୀତି ସମ୍ପନ୍ନ କରୁଥିବା ଦେଖିବାକୁ ମିଳିଛି ।
Naga chaitanya, Shobitha's Mangalasnanam#Chayso #NagaChaithanya #shobitadhulipala @TrendsChaitu pic.twitter.com/nTYVScRPTl
— Phani Kumar (@phanikumar2809) November 29, 2024
ନାଗା ଚୈତନ୍ୟ ଏବଂ ଶୋଭିତା ଧୂଲିପାଲାଙ୍କ ବିବାହ କେବେ?
ରିପୋର୍ଟ ଅନୁସାରେ, ତେବେ ନାଗା ଚୈତନ୍ୟ ଏବଂ ଶୋଭିତା ଧୂଲିପାଲାଙ୍କ ବିବାହ ଚଳିତ ବର୍ଷ ହେବ । ନାଗା ଏବଂ ଶୋଭିତାଙ୍କ ବିବାହ 4 ଡିସେମ୍ବର 2024 ରେ ହେବାକୁ ଯାଉଛି । କୁହାଯାଉଛି ଯେ ନାଗା ଏବଂ ଶୋଭିତାଙ୍କ ବିବାହରେ ପରିବାର, ଘନିଷ୍ଠ ସମ୍ପର୍କୀୟ ଏବଂ ବନ୍ଧୁମାନେ ଯୋଗଦେବେ । କହିରଖୁଛୁ କି, ନିକଟରେ ନାଗାର୍ଜୁନଙ୍କ ବାପା ଅକ୍କିନେନି ନାଗେଶ୍ୱରା ରାଓଙ୍କୁ ସ୍ମରଣ କରାଯାଇଥିଲା ଏବଂ ସାଉଥ ସୁପରଷ୍ଟାର ମଧ୍ୟ ଏକ ମହାନ୍ କାର୍ଯ୍ୟକ୍ରମର ଆୟୋଜନ କରିଥିଲେ । ଏଠାରେ ନାଗାର୍ଜୁନ ତାଙ୍କ ବୋହୂ ଶୋଭିତାଙ୍କୁ ସୁପରଷ୍ଟାର ଚିରଞ୍ଜୀବୀଙ୍କ ସହ ପରିଚିତ କରାଇଥିଲେ । ଯାହାର ଭିଡିଓ ଭାଇରାଲ ହୋଇଥିଲା ।
ଏହା ମଧ୍ୟ ପଢନ୍ତୁ: ଏହି ଦିନ ନାଗା ଚୈତନ୍ୟ-ଶୋଭିତା ଧୂଲିପାଲାଙ୍କ ପଡ଼ିବ ହାତଗଣ୍ଠି, ସାମ୍ନାକୁ ଆସିଲା ବିବାହ ତାରିଖ
ନାଗା ଚୈତନ୍ୟଙ୍କ ଏହା ଦ୍ୱିତୀୟ ବିବାହ
ନାଗା ଚୈତନ୍ୟ ପୂର୍ବରୁ ସାଉଥ ଅଭିନେତ୍ରୀ ସାମନ୍ଥା ରୁଥ ପ୍ରଭୁଙ୍କୁ ବିବାହ କରିଥିଲେ । ସାମନ୍ଥା ଏବଂ ନାଗା ପ୍ରଥମ ଥର ପାଇଁ 2010ରେ ଗୌତମ ମେନନଙ୍କ ୟେ ମାୟା ଚେସାଭଙ୍କ ସେଟରେ ସାକ୍ଷାତ ହୋଇଥିଲେ । ଯାହାପରେ ଦୁହେଁ ପ୍ରେମରେ ପଡ଼ି ଅକ୍ଟୋବର 2017ରେ ବିବାହ କରିଥିଲେ । କିନ୍ତୁ ୪ ବର୍ଷ ପରେ ଏହି କପଲ ୨୦୨୧ରେ ଅଲଗା ହୋଇଥିଲେ । ଯାହା ଉଭୟଙ୍କ ଫ୍ୟାନ୍ସଙ୍କୁ ଚକିତ କରିଥିଲା । ସାମନ୍ଥାଙ୍କ ସହ ବିବାହ ବିଚ୍ଛେଦ ହେବା ପରେ ନାଗା ଅଭିନେତ୍ରୀ ଶୋଭିତା ଧୂଲିପାଲାଙ୍କ ପ୍ରେମରେ ପଡିଥିଲେ । ପରେ ଉଭୟ ଭ୍ୟାକସନ ଫଟୋ ମଧ୍ୟ ଭାଇରାଲ ହୋଇଥିଲା । ହେଲେ ଉଭୟ ନିଜ ସମ୍ପର୍କକୁ ଅଫିସିଆଲ କରିନଥିଲେ । ଦୀର୍ଘ ଦିନର ଡେଟ୍ ପରେ ଉଭୟ ନିର୍ବନ୍ଧ କରି ସମ୍ପର୍କକୁ ନିଶ୍ଚିତ କରିଥିଲେ । ଏବେ ଉଭୟ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
