ଭୁବନେଶ୍ବର: ଫିଟନେସ ଯାଞ୍ଚ ପରେ କାର୍ଯ୍ୟାନୁଷ୍ଠାନରୁ ବର୍ତ୍ତିପାରିଲାନି ସ୍କୁଲ ବସ । ସ୍କୁଲ ପିଲାଙ୍କୁ ବିପଦପୂର୍ଣ୍ଣ ଭାବରେ ନବା ଆଣିବା କରୁଥିବାରୁ ସିଜ କଲା MVI(Motor Vehicle Inspection) । ଆଉ କାଟିଲା ୨ ଲକ୍ଷ ୩୩ ହଜାର ଟଙ୍କାର ଚାଲାଣ । ରାଜଧାନୀ ଡମଣା ଛକ ନିକଟରେ ଏଭଳି ଏକ ସ୍କୁଲ ବସକୁ ଜବତ କରିଛି ଏମଭିଆଇ ।
ବସରେ ଫିଟନେସ, ପଲ୍ୟୁସନ, ଟ୍ୟାକ୍ସ, ଇନସୁରାନ୍ସ ନଥିବାରୁ କଟିଲା ଚାଲାଣ । ସ୍କୁଲ ପିଲାଙ୍କୁ ବିପଦପୂର୍ଣ୍ଣ ଭାବରେ ନବା ଆଣିବା କରୁଥିବାରୁ ବସକୁ ସିଜ କଲା ଏମଭିଆଇ । ଡ଼ମଣା ଛକରେ ଚେକିଂ ବେଳେ ଧରା ପଡିଲା ଏହି ବସ । ଏହାସହିତ ବସଟି ଏମଭି ଟ୍ୟାକ୍ସ ପୈଠ ନ କରି ବେଆଇନ ଭାବେ ଅନେକ ଦିନ ଧରି ଯାତାୟାତ କରୁଥିଲା । ଯାଞ୍ଚ ସମୟରେ ଏ ସମ୍ପର୍କରେ ଜଣାପଡ଼ିବା ପରେ ସ୍କୁଲ ବସଠାରୁ ମଧ୍ୟ ଚାଲାଣ କଟାଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
