ଭୁବନେଶ୍ବର: ରାଜ୍ୟ ସରକାର ଏସଇବିସି ଓ ଓବିସିଙ୍କ ଗଣନା ନେଇ ରାଜ୍ୟ କ୍ୟାବିନେଟରେ ଆସିଥିବା ସଂକଳ୍ପକୁ ନେଇ ଥମୁନି ରାଜନୀତି। 20 ବର୍ଷ ପରେ କାହିଁକି ହଠାତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏସଇବିସି ଗଣନା କଥା ମନେ ପଡିଲା ବୋଲି ପୂର୍ବରୁ ପ୍ରଶ୍ନ କରିଛି ବିଜେପି । ଏହା ସହ ରାଜ୍ୟରେ ଓବିସି ମାନଙ୍କୁ ମଣ୍ଡଳ କମିଶନ ଅନୁସାରେ ରିଜରଭେସନ ଦେବାକୁ ଦାବି କରିଛନ୍ତି ବିଜେପି ନେତା । ଏହାର ଜବାବ ରଖିଛି ବିଜେଡି ।
ବିଜେପି ଅଭିଯୋଗ ଉପରେ ପ୍ରତିକ୍ରିୟା ରଖିଛନ୍ତି ବିଜେଡି ମୁଖପାତ୍ର ସସ୍ମିତ ପାତ୍ର । ରାଜ୍ୟ ସରକାର ସଂରକ୍ଷଣ ଲାଗୁ କରିବାକୁ ଚାହୁଁଛନ୍ତି। କିନ୍ତୁ 50 ପ୍ରତିଶତରୁ ଅଧିକ ସଂରକ୍ଷଣ ଦେଇ ପାରିବେନି ବୋଲି କୋର୍ଟ କହିବାରୁ ସମସ୍ୟା ରହୁଛି । 2011ର କମ୍ୟୁନିଟି ବେଶ ଡାଟା ରିଲିଜ କରନ୍ତୁ ବୋଲି ଆମେ କେନ୍ଦ୍ରକୁ ଦାବି କରିଛୁ।
ସେ ଆହିରୁ କହିଛନ୍ତି, 2021 ଜନଗଣନାରେ କୌଣସି ସୁବିଧା ନଥିବାରୁ ଆମେ ସ୍ଥାନ ପାଇଁ କହୁଛୁ । ଏହା ହେଲେ ସୁବିଧା ହେବ। ବିଜେପି ଅଭିଯୋଗ ପରିବର୍ତ୍ତେ ରାଜ୍ୟ ସରକାରଙ୍କୁ ସମର୍ଥନ ସହିତ କେନ୍ଦ୍ରକୁ ଜଣାଇଲେ ଶୀଘ୍ର ଏହା ହେବ । ତଥ୍ୟ ଜଲଦି ଆସିଲେ ସରକାର ଇଂପ୍ଲିମେଣ୍ଟ କରିବେ। 50 ପ୍ରତିଶତରୁ ଅଧିକେ ହେଲେ ଇଂପ୍ଲିମେଣ୍ଟ କରିପାରିବେନି କହିଥିଲେ କୋର୍ଟ ।
ସସ୍ମିତ ପାତ୍ର କହିଛନ୍ତି, କେନ୍ଦ୍ରରେ ବିଜେପି ସରକାର ରହିଛି । ତେଣୁ ରାଜ୍ୟର ବିଜେପି ନେତା ମାନେ କେନ୍ଦ୍ରକୁ ତଥ୍ୟ ଦେବା ପାଇଁ ଅନୁରୋଧ କରନ୍ତ ବୋଲି ସେ କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
