ହାଇଦ୍ରାବାଦ: ଚଳିତ ବର୍ଷ ଅଭିନେତା ସବ୍ୟସାଚୀ ମିଶ୍ର ପାଇବେ ଜାତୀୟ ମହାତ୍ମା ଗାନ୍ଧୀ ସେବା ସମ୍ମାନ । ଭାରତୀୟ ସ୍କାଉଟ୍ ଓ ଗାଇଡ୍ ଫେଲୋସିପ୍, ରାଜ୍ୟ ଶାଖା ପକ୍ଷରୁ ଏହି ସେବା ସମ୍ମାନ ପ୍ରଦାନ କରାଯିବ । ଆଜି ବସିଥିବା କାର୍ଯ୍ୟକାରିଣୀ ବୈଠକରେ ସବ୍ୟସାଚୀଙ୍କୁ ପୁରସ୍କୃତ କରାଯିବା ନେଇ ନିଷ୍ପତି ନିଆଯାଇଛି।
କୋରୋନା କାଳରେ ସବ୍ୟସାଚୀ ବହୁ ପ୍ରବାସୀ ଶ୍ରମିକଙ୍କୁ ଘରକୁ ଫେରାଇ ଆଣିବାରେ ଗୁରୁତ୍ବପୂର୍ଣ୍ଣ ଦାୟିତ୍ବ ନିଭାଇଥିଲେ । ଏବଂ ବର୍ତ୍ତମାନ ମଧ୍ୟ ନିଜର ନିଷ୍ଠାପର କାର୍ଯ୍ୟକୁ ସୂଚାରୁ ରୂପେ ପ୍ରତିପାଦିତ କରୁଛନ୍ତି ସବ୍ୟ । ଯେଉଁଥିପାଇଁ ତାଙ୍କୁ ଏହି ସମ୍ମାନ ପାଇଁ ମନୋନୀତ କରାଯାଇଥିବା ସଂସ୍ଥାର ସୂଚନା ଅଧିକାରୀ ଗଜେନ୍ଦ୍ରନାଥ ବେହେରା କହିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
