ଭୁବନେଶ୍ବର: ଲୌହ ମାନବ ସର୍ଦ୍ଦାର ବଲ୍ଳଭ ଭାଇ ପଟେଲଙ୍କ ୧୪୪ ତମ ଜନ୍ମ ଜୟନ୍ତୀରେ ଦେଶ ପାଳୁଛି ରାଷ୍ଟ୍ରୀୟ ଏକତା ଦିବସ । ଏଥିପାଇଁ ମଞ୍ଚେଶ୍ୱର ଥିବା ଚକେଇସିଆଣି ଦୁର୍ଗା ମଣ୍ଡପ ନିକଟରୁ ଏକତା ପାଇଁ ଦୌଡ଼ କାର୍ଯ୍ୟକ୍ରମ ଆୟୋଜିତ ହୋଇଛି । ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଏହି କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ ।
ଭିଡିଓ ସୌଜନ୍ୟ: ସମ୍ବାଦତାତା ଭୁବନେଶ୍ବର
ଶତାଧିକ ଛାତ୍ରଛାତ୍ରୀ ଛାତ୍ରଛାତ୍ରୀ ଏକତା ପାଇଁ ଦୌଡ଼ କାର୍ଯ୍ୟକ୍ରମରେ ସାମିଲ ହୋଇଥିଲେ । ଏଥିସହିତ ରାଷ୍ଟ୍ରୀୟ ଏକତା ନେଇ ସମସ୍ତଙ୍କୁ ସଂକଳ୍ପ ନେବାକୁ ସାଂସଦ ଅପରାଜିତା ଆହ୍ବାନ ଦେଇଥିଲେ । ଆଜିର ଯୁବ ପିଢ଼ିଙ୍କ ମଧ୍ୟରେ ଏକତା ଭାବ ରହିବା ଆବଶ୍ୟକ ରହିଛି । ଆଗାମୀ ଭବିଷ୍ୟତରେ ଉତ୍ତମ ରାଷ୍ଠ୍ର ଗଠନ ଦିଗେର ଏହା ସହାୟକ ହେବ ବୋଲି ଅପରାଜିତା କହିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
