ଭୁବନେଶ୍ବର: ବିଜେପି ବିଧାୟକ ସୁବାଷ ପାଣିଗ୍ରାହୀ କ୍ଷମା ମାଗିବା ଜିଦରେ ଅଟଳ ଶାସକ ଦଳ । ଆଜି ଗୃହରେ ଏହି ପ୍ରସଙ୍ଗ ଉଠାଇବା ସହ ଗୃହ ମୁଲତବୀ ପରେ ରାଜଭବନ ଅଭିମୁଖେ ଯାଇଛନ୍ତି ବିଜେଡି ବିଧାୟକ । ରାଜ୍ୟପାଳଙ୍କ ଘଟଣା ସମ୍ପର୍କରେ ଅବଗତ କରିବେ ବୋଲି ସୂଚନା ମିଳିଛି ।
ରାଜଭବନ ଅଭିମୁଖେ ବିଜେଡି ବିଧାୟକ
ବିଧାନସଭାରେ ବିଜେପି ବିଧାୟକ ସୁବାଷ ପାଣିଗ୍ରାହୀ ଆତ୍ମହତ୍ୟା ଉଦ୍ୟମ କରିବା ଅଭିଯୋଗରେ କ୍ଷମା ମାଗିବାକୁ ବିଜେଡି ଦାବି କରିଛି । ସୁବାଷ ପାଣିଗ୍ରାହୀ କ୍ଷମା ମାଗିବା ନେଇ 4 ଦିନ ହେବ ବିଧାନସଭାରେ ଶାସକ ଦଳ ପକ୍ଷରୁ ଦାବି କରାଯାଉଛି ।
ବିଜେଡି ଅଭିଯୋଗ କରିଛି ଯେ,ସୁବାଷ ପାଣିଗ୍ରାହୀ ଗଣତନ୍ତ୍ରର ବିରୋଧୀ ଏବଂ ଏକ ଭୁଲ ବାର୍ତ୍ତା ଦେଇଛନ୍ତି । ବିଧାନସଭା ଭଳି ପବିତ୍ର ଗୃହରେ ସାନିଟାଇଜର ପିଇବା ଘଟଣାରେ କ୍ଷମା ମାଗିବା ଉଚିତ । ସେନେଇ ସୁବାଷ ଯେପର୍ଯ୍ୟନ୍ତ କ୍ଷମା ନମାଗିବେ ସେ ପର୍ଯ୍ୟନ୍ତ ଗୃହ ଚଲାଇଦେବେ ନାହିଁ ବୋଲି କହିଛନ୍ତି ବିଜେଡି ବିଧାୟକ ପ୍ରଣବ ପ୍ରକାଶ ଦାସ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
