ଭୁବନେଶ୍ବର: ବେଆଇନ ଭାବେ ୧୨୦ କୋଟିର ଇନପୁଟ ଟ୍ୟାକ୍ସ କ୍ରେଡିଟ ହାତେଇଥିବା ରାଜ୍ୟର ଏକ ନାମୀ କମ୍ପାନୀକୁ ଠାବ କରିଛି DGGI । ପାରାଦ୍ବୀପ ହରିଦାସପୁରରେ ଏକ ସରକାରୀ ପ୍ରୋଜେକ୍ଟ କରୁଥିବା ଏହି କମ୍ପାନୀ ୬୭୦କୋଟିର ଜିଏସଟି କାରବାରକୁ ଆଧାର କରି ୧୨୦ କୋଟି ଇନପୁଟ ଟ୍ୟାକ୍ସ ବେଆଇନ ଭାବେ ହାତେଇଥିଲା । କମ୍ପାନୀ ଏହି କ୍ରେଡିଟ ପାଇଵା ପାଇଁ ଯୋଗ୍ୟ ନୁହେଁ ବୋଲି DGGI ସୂଚନା ପାଇଥିଲା ।
୧୨୦ କୋଟି ଟଙ୍କାର ଠକେଇ କାରବାର ଜଣାପଡିବା ପରେ DGGI ଆଡିସିନାଲ ଡାଇରେକ୍ଟର ଜେନେରାଲ ଦେବାଶିଷ ସାହୁ ଏକ ସ୍ବତନ୍ତ୍ର ଟିମ୍ ଏନେଇ ଅଡିଟ କରିଥିଲେ । ପରେ ସମ୍ପୃକ୍ତ କମ୍ପାନୀ ୧୨୦ କୋଟି ଟଙ୍କା ଫେରସ୍ତ କରିବାକୁ ବାଧ୍ୟ ହୋଇଥିଲା । ତେବେ ବେଆଇନ କାମ ପାଇଁ କମ୍ପାନୀ ନାଁରେ କେସ୍ ଫାଇଲ କରିବା ସହ ଫାଇନ ଆଦାୟ ପାଇଁ ପ୍ରକ୍ରିୟା ଆରମ୍ଭ କରିଛି DGGI ।
ତେବେ ନାମୀଦୀମୀ କମ୍ପାନୀ ହୋଇ ରାଜ୍ୟରେ ଏପରି ସରକାରୀ ଅର୍ଥ ହଡପ କରିବା ଏକ ଦଣ୍ଡନୀୟ ଅପରାଧ । ଏମିତି ଢଙ୍ଗରେ ଇନପୁଟ ଟ୍ୟାକ୍ସ କ୍ରେଡିଟ ଠକେଇ କରୁଥିବା କମ୍ପାନୀ ଉପରେ ଏବେ DGGI କଡା ନଜର ରଖିଛନ୍ତି । ଡାଇରେକ୍ଟର ଜେନେରାଲ ଜିଏସଟି ଇଣ୍ଟେଲିଜେନସ ଟିମର ଅଫିସର ବିଭିନ୍ନ ସମୟରେ ଅନେକ ବଡ ବଡ କମ୍ପାନୀରେ ଏପରି କଳା କାରନାମାକୁ ଠାବ କରୁଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
