ଭୁବନେଶ୍ବର: କୋରୋନା ପରୀକ୍ଷା, ମୁକାବିଲା ଓ ରୋଗୀଙ୍କ ମାଗଣା ଚିକିତ୍ସା ଖର୍ଚ୍ଚର ହିସାବ ଦେଲେ ସରକାର । 23 ଜିଲ୍ଲାରେ ମୋଟ 223 କୋଟି ଟଙ୍କାର ଖର୍ଚ୍ଚ ହୋଇଥିବା ବିଧାନସଭାରେ ଉତ୍ତର ରଖିଲେ ସ୍ବାସ୍ଥ୍ୟମନ୍ତ୍ରୀ ନବ କିଶୋର ଦାସ ।
ବିଧାୟକ ସୌମ୍ୟ ରଞ୍ଜନ ପଟ୍ଟନାୟକଙ୍କ ଏକ ପ୍ରଶ୍ନର ଲିଖିତ ଉତ୍ତରରେ ଏପରି ଦର୍ଶାଇଛନ୍ତି ସ୍ବାସ୍ଥ୍ୟମନ୍ତ୍ରୀ । 23 ଜିଲ୍ଲାରୁ ଆସିଥିବା ତଥ୍ୟ ଅନୁସାରେ, ମୋଟ 2 ଶହ 23 କୋଟି 87 ଲକ୍ଷ 81 ହଜାର 876 ଟଙ୍କା ଖର୍ଚ୍ଚ ହୋଇଥିବା ସେ ଜଣାଇଛନ୍ତି ।
ସେପଟେ ଗତ 8 ମାସ ଭିତରେ ବିଭିନ୍ନ ରୋଗରେ 1 ଲକ୍ଷ 41 ହଜାର 874 ଜଣଙ୍କ ପ୍ରାଣ ଯାଇଥିବା ମଧ୍ୟ ଗୃହକୁ ଜଣାଇଛନ୍ତି ମନ୍ତ୍ରୀ । ଅପ୍ରେଲରୁ ଅକ୍ଟୋବର ମାସ ମଧ୍ୟରେ ଏତିକି ସଂଖ୍ୟକ ରୋଗୀଙ୍କର ଦେହାନ୍ତ ହୋଇଥିବା ସେ ଆଉ ଏକ ପ୍ରଶ୍ନର ଉତ୍ତରରେ କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
