ଭୁବନେଶ୍ବର: ପୋଲିସ ଅଧିକାରୀ ବେଆଇନ ଫାଇନ କାଟୁଥିବାର ଯଦି ପ୍ରମାଣିତ ହୁଏ ତେବେ ଅଧିକାରୀ ଜଣକ ଫାଇନର ଦୁଇଗୁଣ ଅର୍ଥ ପ୍ରଦାନ କରିବେ । ଏପରିକି ଯଦି ଭୁଲବଶତ ଆପଣ ଘରେ ଗାଡିର ଆବଶ୍ୟକ କାଗଜ ପତ୍ର ଛାଡ଼ି ଆସିଛନ୍ତି ଓ ଆପଣଙ୍କଠାରୁ ଚାଲାଣ କଟାଯାଇଛି । ତାହେଲେ ପରବର୍ତ୍ତୀ ସମୟରେ ଆପଣ ଡକ୍ୟୁମେଣ୍ଟ ଦେଖାଇ ଫାଇନରୁ ବର୍ତ୍ତିପାରିବେ ବୋଲି ସଡ଼କ ଓ ପରିବହନ ବିଭାଗ ସଚିବ ଜି.ଶ୍ରୀନିବାସ କହିଛନ୍ତି । ଏହା ସହ ପ୍ରଦୂଷଣ ଚେକିଂ ନିୟମକୁ ମାସେ ପର୍ଯ୍ୟନ୍ତ କୋହଳ କରାଯାଇଛି ବୋଲି ସେ ଜଣାଇଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଓଡିଶାର 17ଟି ସ୍ଥାନରେ ଅନଲାଇନ ଡ୍ରାଇଭିଂ ପରୀକ୍ଷା ପାଇଁ ବ୍ୟବସ୍ଥା କରାଯାଇଛି । ଖୁବ ଶୀଘ୍ର 30ଟି ଜିଲ୍ଲାରେ ଡ୍ରାଇଭିଙ୍ଗ ଟ୍ରାକ ପ୍ରସ୍ତୁତ କରାଯିବ । 17ଟି ସ୍ଥାନରେ ଅନଲାଇନ ଡ୍ରାଇଭିଂ ପରୀକ୍ଷା ପାଇଁ ବ୍ୟବସ୍ଥା କରାଯାଇଥିବା ବେଳେ ଆଗକୁ ବିଭିନ୍ନ ଜିଲ୍ଲାମାନଙ୍କରେ ଏହି ବ୍ୟବସ୍ଥା ଉପଲବ୍ଧ କରାଯିବ ବୋଲି ଶ୍ରୀନିବାସ ପ୍ରକାଶ କରିଛନ୍ତି।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
