ଭୁବନେଶ୍ବର: ଆଜି ହେଉଛି ପବିତ୍ର ଇଦ ବା ରମଜାନ ମାସର ଶେଷ ଦିନ । ଏକ ମାସ ରୋଜା ବା ଉପବାସ ରଖିଲା ପରେ ମୁସଲମାନ ସମ୍ପ୍ରଦାୟର ଭାଇଭଉଣୀ ମାନେ ଏହି ଶେଷ ଶୁକ୍ରବାରରେ ଉପବାସ ଭଙ୍ଗ କରିଥାନ୍ତି । ଏହି ଦିନଟି ସବୁ ମୁସଲମାନ ଭାଇଭଉଣୀଙ୍କ ପାଇଁ ବଡ ଉତ୍ସବ ହୋଇଥାଏ । କିନ୍ତୁ, କରୋନା କଟକଣା ଆଉ ଲକଡାଉନ ଭିତରେ ତାହା ଫିକା ପଡିଯାଇଛି ।
ଲକଡାଉନ କଟକଣା ପାଇଁ ଘରେ ପଢିଲେ ନମାଜ
ଭୁବନେଶ୍ବରରେ ଆଜିର ଦିନରେ ମସଜିଦ ଗୁଡିକ ବନ୍ଦ ଥିବା ବେଳେ ଘରେ ରହି ସମସ୍ତେ ନମାଜ ପଢ଼ିଛନ୍ତି । ଏହି ଭାଇଚାରା ପର୍ବରେ କେହି କାହାକୁ ଆଲିଙ୍ଗନ ନକରି ଇଦ ମୁବାରକ ଜଣାଇଛନ୍ତି ନା କୌଣସି ପାର୍ଟି ହୋଇଛି । ମସଜିଦ ଖାଁ ଖାଁ ଥିବା ବେଳେ ଚଳିତ ବର୍ଷ ସେପରି ଗହଳି ଚହଳି ନାହିଁ ।
ଯଦି ବି ଘରେ ରହି ସମସ୍ତେ ନମାଜ ପଢୁଛନ୍ତି ବେଶ ନିରାଡ଼ମ୍ବରରେ ଏହି ପର୍ବ ପାଳନ କରାଯାଉଛି ।
ଭୁବନେଶ୍ବରରୁ ଦେବଶ୍ମିତା ରାଉତ, ଇଟିଭି ଭାରତ
