ଭୁବନେଶ୍ବର: କେନ୍ଦ୍ରର ବିଜେପି ସରକାର ବିରୋଧରେ ପ୍ରତିବାଦ ଜଣାଇ ରାଜ୍ୟ ରାଜଭବନ ସମ୍ମୁଖରେ ବିକ୍ଷୋଭ ପଦର୍ଶନ କରିଛି ପ୍ରଦେଶ କଂଗ୍ରେସ । ଦେଶର ଗଣତାନ୍ତ୍ରିକ ବ୍ୟବସ୍ଥା ପ୍ରତି ବିପଦ ସୃଷ୍ଟି କରୁଛି ବିଜେପି ସରକାର । କ୍ରମାଗତ ଭାବରେ କଂଗ୍ରେସ ଶାସିତ ରାଜ୍ୟ ମାନଙ୍କରେ ଲୋକଙ୍କ ଦ୍ୱାରା ନିର୍ବାଚିତ ସରକାରଙ୍କୁ ଅନୈତିକ ଉପାୟରେ ଭାଙ୍ଗିବା ପାଇଁ ବିଜେପି ଉଦ୍ୟମ କରୁଛି। ଏହି ଅଭିଯୋଗ ନେଇ ରାଜ୍ୟ ପ୍ରଦେଶ କଂଗ୍ରେସ କର୍ମକର୍ତ୍ତା ମାନେ ରାଜଭବନ ସମ୍ମୁଖରରେ ବିକ୍ଷୋଭ କରିଛନ୍ତି ।
ଦେଶରେ କୋରୋନା ମହାମାରୀ ଚାଲୁରହିଥିବା ବେଳେ କଂଗ୍ରେସ ସରକାରରେ ଅସ୍ଥିରତା ସୃଷ୍ଟି କରିବା ମୋଦି ସରକାରଙ୍କର ପ୍ରାଥମିକତା ରହିଛି । ବିଜେପି ତଥା କେନ୍ଦ୍ର ସରକର ବଜାର ଏତାଦୃଶ ଆଚରଣର ପ୍ରତିବାଦ କରି ଏବଂ ଗଣତ୍ରନ୍ତ୍ର ସମ୍ବିଧାନର ସୁରକ୍ଷା ପାଇଁ ଓଡିଶା ପ୍ରଦେଶ କମିଟି ପକ୍ଷରୁ ରାଜଭବନ ସମ୍ମୁଖରେ ବିକ୍ଷୋଭ ପ୍ରଦର୍ଶନୀ କରାଯାଇଥିଲା। ଏଥିରେ କଂଗ୍ରେସର ବିଧାୟକ ଓ ବରିଷ୍ଠ ନେତା ମାନେ ଅଂଶ ଗ୍ରହଣ କରିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
