ଭୁବନେଶ୍ବର: ରାଜଧାନୀରେ ଥରହର ମଚାଇଲେଣି ଅପରାଧି । ସବୁ ଦେଖି ବି ଚୁପ ପୋଲିସ କମିଶନର ଓ ପୋଲିସ ଡିଜି । ତେବେ ସମୟ ଆସିଛି ପୋଲିସ କର୍ମଚାରୀ ସ୍ତରରେ ଅଦଳବଦଳ ପାଇଁ । ନିର୍ବାଚନ ପରେ ଭୁବନେଶ୍ବରରେ ନୂଆ ନୂଆ ଅଫିସରଙ୍କୁ ବଦଳି ଆସିବା ପରେ ଅପରାଧିଙ୍କ ଟେର ପାଇବା ମୁସ୍କିଲ ହେଲାଣି । ବିଗତ କିଛି ଦିନ ଧରି ନେଟୱର୍କ ବିଛାଇଥିବା ଅଫିସରକୁ ସହର ବାହାରକୁ ବଦଳି ପରେ ଅପରାଧିଙ୍କ ଗତିବିଧି ଉପରେ ନଜର ରଖୁଥିବା ସୋର୍ସ ଏବେ ଡିଆକ୍ଟିଭ ଅଛନ୍ତି । କାରଣ ନୂଆ ଅଫିସରଙ୍କୁ ଭରସା ପାଉନି । ଆଉ କେତେକ ଛୋଟ ବଡ ଅପରାଧରେ ଗିରଫ ହୋଇଥିବା ଯୋଗୁଁ ପୋଲିସ ପ୍ରତି ସେମାନଙ୍କର ଭୟ ରହୁଛି ।
ତେବେ ସେମାନଙ୍କ ବିଶ୍ବାସ ଭାଜନ ହୋଇ ଲୁଟେରାଙ୍କ ସହ ଅପରାଧିଙ୍କ ଖବର ପାଇବା ବି ହେଉଛି ପୋଲିସ ପାଇଁ ମୁସ୍କିଲ। ବାକି ଥାନାରେ ଥିବା ଏଏସଆଇ ବା ଏସଆଇ ବିଧାନସଭା ଯୋଗୁଁ ଡ୍ୟୁଟି ଓ ଲ ଆଣ୍ଡ ଅର୍ଡର ସମ୍ଭାଳିବାରେ ଅପଦସ୍ତ ହେଲେଣି । ତେବେ ଲୁଟେରାଙ୍କ ଉପରେ ଗ୍ରାଉଣ୍ଡ ଜିରୋ ରିପୋର୍ଟ ବା ସୋର୍ସ ଜରିଆରେ ଇନଫର୍ମେସନ ପାଇବା କମିଶନରେଟ ପୋଲିସ ପାଇଁ ଭାରି ମୁସ୍କିଲ । ଏପରି ସ୍ଥଳେ କ୍ବିଇକ ଆକ୍ସନ ଟିମ ସମ୍ପୂର୍ଣ୍ଣ ବିଫଳ ମାରିଥିବା ବେଳେ ଖାଲି କେତୋଟି ଗଞ୍ଜେଇ ଓ ବ୍ରାଉନ ସୁଗାର ବେପାରୀଙ୍କୁ ଧରି ବାଃ ବାଃ ନେଉଛି ।
ହେଲେ ଅସଲରେ ଲୁଟେରା କି ଲୁଟେରାଙ୍କ ଛାଇ ବି ପାଉନି କ୍ବିଇକ ଆକ୍ସନ ଟିମ । ଷ୍ଟୁଡେଣ୍ଟ ଲିଡରଙ୍କ ସହ ପୋଲିସ ବୁଝାମଣା ଆରମ୍ଭରୁ ବିଗିଡି ଯାଇଥିବାରୁ ସତେ ଯେପରି ନେଟୱର୍କରେ ପୂର୍ଣ୍ଣଚ୍ଛେଦ ପଡିଛି । କେବଳ କେତେଟି କାଭାଁ ଜିମର ଜିମ ବୟଙ୍କ ସହ ଥାନା ଲେଭଲରେ ସେଟିଂ ଯୋଗୁଁ କିଛି ଖବର ମିଳୁଥିଲେ ମଧ୍ୟ ବଡ ଧରଣର ଲୁଟେରାଙ୍କ ସୁରାକ ପାଉନି ପୋଲିସ । ଏପଟେ ପୁରୁଣା ମେଥଡ ଆପଣାଇଥିବା ସ୍ପେଶାଲ ସ୍କ୍ବାଡର ସୋର୍ସ ଜିରୋ ଯୋଗୁଁ ଏବେ କେବଳ ହାଇ ଟେକନିକ ନମ୍ବର ଟ୍ରାକିଂ ଓ ସେଲଫୋନ ଟ୍ରେସିଂ କରି କିଛି ପାଉନାହାଁନ୍ତି ସ୍ପେଶାଲ ସ୍କ୍ବାଡ ଟିମ।
କାରଣ ଲୁଟେରା ଏବେ ନୂଆ ଟେକନିକରେ ଚଳାଇଛନ୍ତି ସେମାନଙ୍କର ରାତି ଅଧିଆ ଅପରେସନ। ସେପଟେ ପିସିଆର ଭ୍ୟାନର କର୍ମଚାରୀଙ୍କୁ ଲୁଟେରା ହାତରେ ରଖିଥିବା କହିଲେ ଅତ୍ୟୁକ୍ତି ହେବ ନାହିଁ । ଚେକ୍ କରିବାକୁ ସାହାସ ନଥିବା ବେଳେ ପଛଘୁଞ୍ଚା ଦେଉଛନ୍ତି କର୍ମଚାରୀ । ଯାହାକୁ ନେଇ କମିଶନରେଟ ପୋଲିସର ଅସଲ ଦୁର୍ବଳତା ଏବେ ପଦାରେ ପଡିଛି । ନିଜେ ପୋଲିସ କମିଶନର ଓ ଡିସିପି ଏସବୁର କାରଣ ଜାଣି ପାରୁନାହାଁନ୍ତି । ଯାହା ଏବେ କମିଶନରେଟ ପୋଲିସରେ ଚର୍ଚ୍ଚା ଚାଲିଛି ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
