ଭୁବନେଶ୍ବର: ଡିସେମ୍ବର ଶେଷ ସପ୍ତାହ ପର୍ଯ୍ୟନ୍ତ ପୁରୀ-ପାଟନା ସ୍ୱତନ୍ତ୍ର ଟ୍ରେନ ସେବା। ରେଳଯାତ୍ରୀଙ୍କର ଦାବି ଓ ଚାହିଦାକୁ ଦୃଷ୍ଟିରେ ରଖି ପୁରୀ ପାଟନା ସ୍ୱତନ୍ତ୍ର ଟ୍ରେନର ସମୟସୀମା ବୃଦ୍ଧି କରାଯାଇଛି ।
08439/08440 ପୁରୀ-ପାଟନା-ପୁରୀ ବିଶେଷ ଟ୍ରେନ ସେବାକୁ ଡିସେମ୍ବର ମାସ ଶେଷ ସପ୍ତାହ ପର୍ଯ୍ୟନ୍ତ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ପୁରୀ ଠାରୁ ପ୍ରତି ଶନିବାର ଅପରାହ୍ନ ୨ଘ.୫୫ମି ରେ ଛାଡୁଥିବା 08439 ପୁରୀ-ପାଟନା ସ୍ୱତନ୍ତ୍ର ଟ୍ରେନ ୨୫ ଡିସେମ୍ବର ପର୍ଯ୍ୟନ୍ତ ଚଳାଚଳ କରିବ । ସେହିପରି ଫେରିବା ମାର୍ଗରେ, ପାଟନା ଠାରୁ ପ୍ରତି ରବିବାର ଅପରାହ୍ନ ୧ଘ.୪୫ମି.ରେ ଛାଡୁଥିବା 08440 ପାଟନା-ପୁରୀ ସ୍ପେଶାଲ୍ ୨୬ ଡିସେମ୍ବର ପର୍ଯ୍ୟନ୍ତ ଚଳାଚଳ କରିବ। ଯାତ୍ରୀଙ୍କର ଚାହିଦାକୁ ନେଇ ଏଭଳି ନିଷ୍ପତ୍ତି ନିଆଯାଇଥିବା ପୂର୍ବତଟ ରେଳବାଇ ପକ୍ଷରୁ ସୂଚନା ମିଳିଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭ ଭାରତ
