ଭୁବନେଶ୍ବର: ରାଜଧାନୀରେ ସାଇକୋ ଡାକ୍ତରଙ୍କ ବର୍ବର କାଣ୍ଡ । ନିଜ 76 ବର୍ଷୀୟ ବାପାକୁ ପିଟିପିଟି କଲେ ହତ୍ୟା । ଏଭଳି ଏକ ଲୋମହର୍ଷଣକାରୀ ଘଟଣା ପରେ ସାଇକୋ ଡକ୍ଟରକୁ ଗିରଫ କରିଛି କମିଶନରେଟ ପୋଲିସ । ଏହି ଡାକ୍ତରଙ୍କ ନାମ ରଂଜନ ମିଶ୍ର ହୋଇଥିବା ବେଳେ ତାଙ୍କ ଘର ଖଣ୍ଡଗିରି ଥାନା ଅନ୍ତର୍ଗତ ଜଗମୋହନ ନଗରର ଲେନ ୩ ବୋଲି ଜଣାପଡିଛି । ପୋଲିସ ତାଙ୍କୁ ହତ୍ୟା ମାମଲାର ଆଇପିସି ଧାରା ୩୦୨ରେ ଗିରଫ କରି କୋର୍ଟଚାଲାଣ କରିଛି ।
ସୂଚନା ମୁତାବକ, ବାଣପୁର ଖୋର୍ଦ୍ଧା କମ୍ୟୁନିଟି ହେଲଥ ସେଣ୍ଟରରେ ଆୟୁଷ ଡକ୍ଟର ଥିବା ରଂଜନ ଗତ ୧୬ ତାରିଖରେ ନିଜ ବାପା ରାଜକିଶୋର ମିଶ୍ରଙ୍କୁ ମରଣାନ୍ତକ ଆକ୍ରମଣ କରିଥିଲେ । ଏପରିକି ପାରିବାରିକ କଳହକୁ ନେଇ ନିଜ ବାପାଙ୍କୁ ସନ୍ଦେହ କରି ବିଧା ଗୋଇଠା ମାରିଥିଲେ । ବୃଦ୍ଧ ରାଜକିଶୋର ଅସୁସ୍ଥ ହେବା ପରେ ତାଙ୍କୁ ହସ୍ପିଟାଲ ଆଣିଥିଲେ । ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ରଂଜନ ଜଣେ ମାନସିକ ବିକାରଗ୍ରସ୍ତ ରହିଥିବା ପୋଲିସ ସୂତ୍ରରୁ ସୂଚନା ମିଳିଛି ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
