ଭୁବନେଶ୍ବର: ଚମକୁଛି ସୁକିନ୍ଦା ବିଧାୟକ ତଥା ବିଜେଡି ନେତା ପ୍ରୀତି ରଞ୍ଜନ ଘଢାଇଙ୍କ (Pritiranjan Gharai) ଭାଗ୍ୟ । ଭାଗ୍ୟଦେବୀଙ୍କ କୃପା ରହିଛି ପ୍ରୀତିଙ୍କ ଉପରେ । ନୂଆ ବର୍ଷ ତାଙ୍କ ପାଇଁ ଶୁଭ ପ୍ରମାଣିତ ହୋଇଛି । ଖାଲି ନୂଆ ବର୍ଷ କାହିଁକି ନିକଟରେ ଘରକୁ ଆସିଥିବା ଦୁଇ ଦୁଇ ଜଣ ଲକ୍ଷ୍ମୀ ମଧ୍ୟ ପ୍ରୀତିଙ୍କ ପାଇଁ ଲକି ପ୍ରମାଣିତ ହୋଇଛନ୍ତି । ଆପଣ ଭାବୁଥିବେ ଆମେ କ'ଣ କହିବାକୁ ଚାହୁଁଛୁ । ହଁ ନବୀନଙ୍କ ମନ୍ତ୍ରୀମଣ୍ଡଳରେ ସ୍ଥାନ ପାଇଛନ୍ତି ପ୍ରୀତି ରଞ୍ଜନ ଘଡାଇ । ଗ୍ରାମୀଣ ଉନ୍ନୟନ ଓ ଦକ୍ଷତା ବିକାଶ ରାଷ୍ଟ୍ର ମନ୍ତ୍ରୀ ଭାବେ ଆଜି ଶପଥ ଗ୍ରହଣ କରିଛନ୍ତି ପ୍ରୀତି ରଞ୍ଜନ ଘଡାଇ । ପ୍ରଥମ ଥର ଲାଗି ସେ ମନ୍ତ୍ରୀ ପଦ ପାଇଛନ୍ତି ।
ଯାଜପୁର ଜିଲ୍ଲାର କୋରେଇ ବିଧାନସଭା ଆସନରୁ ଥରେ ଓ ସୁକିନ୍ଦାରୁ ୨ ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି ପ୍ରୀତିରଞ୍ଜନ । ତାଙ୍କୁ ଗ୍ରାମୀଣ ଉନ୍ନୟନ ଓ ଦକ୍ଷତା ବିକାଶ ମନ୍ତ୍ରୀ ଭାବେ ଦାୟିତ୍ବ ମିଳିିଛି । ପ୍ରକାଶ ଥାଉ କି, ଏ କିଛି ଦିନ ତଳେ ପ୍ରୀତି ରଞ୍ଜନ ଘଡାଇଙ୍କ ଅଭିନେତ୍ରୀ ପତ୍ନୀ ଦୁଇଟି ଯାଆଁଳା କନ୍ୟା ସନ୍ତାନ ଜନ୍ମ ଦେଇଛନ୍ତି । ଘରକୁ ଲକ୍ଷ୍ମୀ ଆସିଛନ୍ତି । ଝିଅ ହେବା ପରେ ପ୍ରୀତିଙ୍କ ଭାଗ୍ୟ ଯେପରି ବଦଳି ଯାଇଛି । ଗୋଟେ ପଟେ ଝିଅ ହେବା ଖୁସି ଆଉ ଅନ୍ୟ ପଟେ ମାତ୍ର କିଛି ଦିନ ପରେ ମନ୍ତ୍ରୀମଣ୍ଡଳରେ ସ୍ଥାନ ପାଇବା ଖବର ତାଙ୍କ ପାଇଁ ଡବଲ ଖୁସି ଆଣି ଦେଇଛି ।
ଆଜି ରାଷ୍ଟ୍ର ଗ୍ରାମୀଣ ଉନ୍ନୟନ ଓ ଦକ୍ଷତା ବିକାଶ ମନ୍ତ୍ରୀ ଭାବେ ଦାୟିତ୍ବ ନେଇଛନ୍ତି । ଚଳିତ ବର୍ଷ ପ୍ରୀତି ରଞ୍ଜନ ଘଢାଇଙ୍କ ପାଇଁ ଶୁଭ ଆଉ ତାଙ୍କ ପାଇଁ ଦୁଇ ଝିଅ ଲକି ବୋଲି ଚର୍ଚ୍ଚା ହେଉଛି । ୨ ବର୍ଷ ତଳେ ଓଲିଉଡ ଅଭିନେତ୍ରୀ ଝିଲିକଙ୍କୁ ବିବାହ କରିଥିଲେ । ଜୁନ ପହିଲାରେ ପ୍ରୀତି ରଞ୍ଜନ ଓ ଝିଲିକ ଯମଜ କନ୍ୟା ସନ୍ତାନର ପିତାମାତା ହୋଇଛନ୍ତି ।
