ଭୁବନେଶ୍ବର: ରିଜିଓନାଲ ମେଡ଼ିକାଲ ରିସର୍ଚ୍ଚ ସେଣ୍ଟର ଠାରେ 3 ଦିନିଆ ହେଲଦି ଇଣ୍ଡିଆ କନକ୍ଲେଭ ଆୟୋଜିତ ହେବାକୁ ଯାଉଛି । ଯେଉଁଠି ସୁସ୍ଥ ଭାରତ ଗଠନ ନେଇ ବିଭିନ୍ନ ପ୍ରକାର ଆଲୋଚନାଚକ୍ର ଓ ସେମିନାର ଆୟୋଜନ କରାଯାଉଥିବାର ସୂଚନା ମିଳିଛି ।
ଏହା ସହିତ ଦିବ୍ୟାଙ୍ଗ ବ୍ୟକ୍ତିମାନଙ୍କ ଜୀବନରେ ଖୁସି ଭରିଦେବା ସହିତ ସେମାନଙ୍କୁ ଆତ୍ମନିର୍ଭରଶୀଳ ହୋଇ ରୋଜଗାରକ୍ଷମ କରାଇବା ପାଇଁ ଋଣ ଓ ନିଯୁକ୍ତି ମେଳାର ମଧ୍ୟ ଆୟୋଜନ କାରଯିବ ବୋଲି ଜଣାପଡିଛି । ଏପରିକି ଦିବ୍ୟାଙ୍ଗ ବ୍ୟକ୍ତିମାନଙ୍କୁ ମାଗଣାରେ କୃତ୍ରିମ ଅଙ୍ଗ ପ୍ରତ୍ୟେଙ୍ଗ ପ୍ରଦାନ କରାଯିବ ବୋଲି ସୂଚନା ମିଳିଛି ।
ଏନେଇ ସ୍ଥାନୀୟ ପ୍ରେସ କ୍ଲବ ପରିସରରେ ହେଲଦି ଇଣ୍ଡିଆ କ୍ରୋନୋକିଲ ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନାଦେଇ ଏନ ବି ଏ ର ଅଧ୍ୟକ୍ଷ କେକେ ଅଗ୍ରୱାଲ ସୂଚନା ଦେଇଛନ୍ତି । ତେଣୁ ଏହି କନକ୍ଲେଭରେ ଅଧିକରୁ ଅଧିକ ଦିବ୍ୟାଙ୍ଗ ଭାଇ ଓ ଭଉଣୀମାନେ ଯୋଗଦେଇ ସେମାନଙ୍କ ପାଇଁ ସରକାରଙ୍କ ପକ୍ଷରୁ ଥିବା ବିଭିନ୍ନ ସୁବିଧା ସୁଯୋଗ ବିଷୟରେ ଅବଗତ ହେବା ସହ ଏହାର ଲାଭ ଉଠାଇବା ପାଇଁ ଏହି କନକ୍ଲେଭର କନଭେନର ଅମିତାଭ ଜୟପ୍ରକାଶ ଚୌଧୁରୀ ପ୍ରକାଶ କରିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ,ଇଟିଭି ଭାରତ
