ଭୁବନେଶ୍ବର: ବିପଦ ବେଳେ ସାହା ହେଲେ ଅଗ୍ନିଶମ ବିଭାଗର କର୍ମଚାରୀ। ବାତ୍ୟା ଅମ୍ଫାନର ପ୍ରଳୟ ପୂର୍ବରୁ ଯନ୍ତ୍ରଣାରେ ଛଟପଟ ଗର୍ଭବତୀ ମହିଳାଙ୍କୁ ଉଦ୍ଧାର କରିଛନ୍ତି ଅଗ୍ନିଶମ ବାହିନୀ। ରାସ୍ତାରେ ଗଛ ପଡି ଅବରୋଧ ସତ୍ବେ ହସ୍ପିଟାଲରେ ପହଁଚାଇଛନ୍ତି ଜନହରା ଅଗ୍ନିଶମ କେନ୍ଦ୍ରର କର୍ମଚାରୀ । କିନ୍ତୁ ମହିଳା ଜଣଙ୍କ ହସ୍ପିଟାଲରେ ପହଞ୍ଚିବା ପୂର୍ବରୁ ଅଗ୍ନିଶମ ଗାଡିରେ ହିଁ ଶିଶୁକନ୍ୟାକୁ ଜନ୍ମ ଦେଇଛନ୍ତି ।
ଅମ୍ଫାନ ପ୍ରଳୟରେ ଆସନ୍ନ ପ୍ରସବାଙ୍କୁ ଉଦ୍ଧାର କଲେ ଅଗ୍ନିଶମ କର୍ମଚାରୀ
ମହାକାଳପଡା ବ୍ଲକର ଜନହରା ଗ୍ରାମର ଗର୍ଭବତୀ ମହିଳା ଜାନକୀ ସେଠୀକୁ ୩ କିମି ରାସ୍ତା ପାର କରାଇ ସିଏଚସି ମହାକାଳପଡା ହସ୍ପିଟାଲରେ ଭର୍ତି କରାଇଥିଲେ ଅଗ୍ନିଶମ କର୍ମଚାରୀ । ଉଭୟ ମା’ ଓ ଶିଶୁ ଏବେ ବିପଦ ମୁକ୍ତ ରହିଛନ୍ତି। ଏପରି ମହାବିପତ୍ତି ସମୟରେ ଅଗ୍ନିଶମ ବାହିନୀର ଏହି ମହାନ କାର୍ଯ୍ୟ ପାଇଁ ଧନ୍ୟବାଦ ଜଣାଇଛନ୍ତି ହସ୍ପିଟାଲ କର୍ତ୍ତୃପକ୍ଷ ।
ଭୁବନେଶ୍ବରରୁ ତାପସ ପରିଡ଼ା ଓ କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
