ଭୁବନେଶ୍ବର: ପରିବେଶ ସୁରକ୍ଷା ପାଇଁ ପ୍ରକୃତି ରଥ । ପାରଦ୍ବୀପ ନାଗରିକ ମଞ୍ଚ ପକ୍ଷରୁ ଏହି ପ୍ରକୃତି ରଥର ଶୁଭାରମ୍ଭ କରାଯାଇଛି । ସୋମବାର ଏହି ରଥକୁ ଭୁବନେଶ୍ବର ମଧ୍ୟ ବିଧାୟକ ଶ୍ରୀଯୁକ୍ତ ଅନନ୍ତ ନାରାୟଣ ଜେନା ଉଦଘାଟନ କରିଛନ୍ତି ।
ଖବର ଅନୁଯାୟୀ, ଦିନକୁ ଦିନ ପ୍ଲାଷ୍ଟିକର ବ୍ୟବହାର ବୃଦ୍ଧି ପାଇବା ଫଳରେ ପରିବେଶ ନଷ୍ଟ ହେବା ସହ ଅନେକ ପ୍ରାକୃତିକ ଦୁର୍ବିପାକ ହେଉଛି । ଏହା ସହିତ ବିଭିନ୍ନ ରୋଗ ବୈରାଗ ମଧ୍ୟ ଅପ୍ରତ୍ୟାଶିତ ଭାବେ ମାଡି ଆସିବା ସହ ଲୋକମାନେ ମୃତ୍ୟୁମୁଖରେ ପଡୁଛନ୍ତି । ଏସବୁକୁ ଦୃଷ୍ଟିରେ ରଖି ଲୋକମାନଙ୍କୁ ସଚେତନତା କରିବା ଉଦେଶ୍ୟରେ ଏହି ରଥ ଯାତ୍ରା ଆରମ୍ଭ କରାଯାଇଛି ।
ବନ ମହୋତ୍ସବ ସପ୍ତାହ ଉପଲକ୍ଷେ ପ୍ରତିବର୍ଷ ଭଳି ଏ ବର୍ଷ ଏହି ରଥ ଭୁବନେଶ୍ବରରୁ ବାହାରି ପାରାଦ୍ବୀପରେ ଶେଷ ହେବ ବୋଲି ଜଣାପଡିଛି । ଯାହାକି ବିଭିନ୍ନ ଉପକୂଳବର୍ତ୍ତୀ ଜିଲ୍ଲା ଯଥା କଟକ, ପୁରୀ, କେନ୍ଦ୍ରାପଡା, ଖୋର୍ଦ୍ଧା, ବାଲେଶ୍ଵର, ଭଦ୍ରକ, ଯାଜପୁର ଓ ଜଗତସିଂହପୁର ବୁଲି ଲୋକମାନଙ୍କୁ ସଚେତନ କରିବ । ଏହାସହ ପ୍ଲାଷ୍ଟିକ ବ୍ୟବହାର ନକରିବା ଓ ବହୁତ ପରିମାଣରେ ଗଛ ଲଗାଇବାକୁ ପ୍ରବର୍ତ୍ତାଇବ ବୋଲି ମଞ୍ଚର ସଭାପତି ଅୟସକାନ୍ତ ରାୟ କହିଛନ୍ତି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
