ଭୁବନେଶ୍ବର: ଗାନ୍ଧୀ ମାର୍ଗରେ ଗର୍ଜିଲେ ପାଓ୍ବାର ଡିଷ୍ଟ୍ରିବ୍ୟୁସନ ଫ୍ରଞ୍ଚାଇଜ ଏମ୍ପ୍ଲୋୟୀ ଆସୋସିଏସନ(PDFEA)ର ସଦସ୍ୟ । ଓଡିଶା ପାଓ୍ବାର ଡିଷ୍ଟ୍ରିବୁସନ କମ୍ପାନୀ ସେସୁ ଅଧୀନରେ ଇଡ୍କୋ ଓ ଇଂଜିନ ଭଳି ଫ୍ରାଞ୍ଚାଇଜ କମ୍ପାନୀରେ ଚାକିରୀ କରିଥିବା କର୍ମଚାରୀମାନେ ସ୍ଥାୟୀ ନିଯୁକ୍ତି ଦାବି କରିଛନ୍ତି । ଏହାସହ ଛଟେଇ କର୍ମଚାରୀଙ୍କୁ ପୁନଃ ନିଯୁକ୍ତିକୁ ନେଇ ହାତରେ ପ୍ଲା କାର୍ଡ ବିକ୍ଷୋଭ ପ୍ରର୍ଦଶନ କରିଛନ୍ତି । ଓପେଫା କର୍ମଚାରୀଙ୍କ ସହ ଆନ୍ଦୋଳନରେ ସାମିଲ ହୋଇଥିଲା ଯୁବ କଂଗ୍ରେସ । ୨୦୦୩ ରୁ କର୍ମଚାରୀମାନେ ଫ୍ରାଞ୍ଚାଇଜ ଅଧିନରେ କାମ କରି ଆସୁଥିଲେ ମଧ୍ୟ ଏପର୍ଯ୍ୟନ୍ତ ସେମାନଙ୍କୁ ସ୍ଥାୟୀ ନିଯୁକ୍ତି ମିଳିନି।
ଯାହାକୁ ନେଇ ଉଦବେଗ ପ୍ରକାଶ କରିଛନ୍ତି କର୍ମଚାରୀ। କାରଣ ୭୦୦ କର୍ମଚାରୀ ଓ ୫୦୦୦ ଇଞ୍ଜିନିଅର ଦୀର୍ଘଦିନ ହେବ ଅବିରତ ଭାବରେ ବିଦ୍ୟୁତ କାର୍ଯ୍ୟରେ ରାଜ୍ୟ ସରକାରଙ୍କୁ ସାହାଯ୍ୟ କରିଆସିଥିଲେ । ହେଲେ ସରକାରଙ୍କ କାମ ସରିଗଲା ପରେ ଏମାନଙ୍କୁ ଦେଇଥିବା ପ୍ରତିଶୃତି ସରକାର ଭୁଲିଯାଇଛନ୍ତି ବୋଲି ଅଭିଯୋଗ ହୋଇଛି । ୬ ବର୍ଷ ପରେ ସ୍ଥାୟୀ ଚାକିରିର ପ୍ରତିଶୃତି ରାଜ୍ୟ ସରକାର ଭୁଲିଯାଇ ଘରୋଇ କମ୍ପାନୀ ଦ୍ବାରା ଏମାନଙ୍କୁ ଶୋଷଣ କରିବା ସହ ଛଟେଇ କରୁଛନ୍ତି । ଯାହାକୁ ନେଇ ଉଭୟ କର୍ମଚାରୀ ଓ ଯୁବ କଂଗ୍ରେସ କର୍ମୀ ମାଷ୍ଟର କ୍ୟାଣ୍ଟିନ ବିଶାଳ ଶୋଭାଯାତ୍ରା ସହ ବିକ୍ଷୋଭ କରିଥିଲେ ।
୫୦୦ରୁ ଅଧିକ କର୍ମଚାରୀ ଏଥିରେ ସାମିଲ ହୋଇଥିବା ବେଳେ ସରକାର ବିରୋଧୀ ନାରାବାଜି ସହ ରାସ୍ତାରୋକ ମଧ୍ୟ କରିଥିଲେ । ସେମାନଙ୍କ ଆନ୍ଦୋଳନ ୧୯୦ ଦିନରେ ପହଞ୍ଚିଛି । ହେଲେ ସରକାର ସେମାନଙ୍କ ହିତ ପାଇଁ କୈଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନଥିବା ଅଭିଯୋଗ ହୋଇଛି । ତେବେ ୨୭ ଦିନ ହେବ ସ୍ଥାୟୀ ସମାଧାନ ପାଇଁ ବିଭାଗ ବି ପ୍ରତିଶୃତି ଦେଇଥିବା ବେଳେ ଏଯାବତ କୌଣସି କାର୍ଯ୍ୟନୁଷ୍ଠାନ ଗ୍ରହଣ କରାଯାଇ ନାହିଁ । ତେଣୁ ସେମାନେ ରାଜରାସ୍ତାକୁ ଓହ୍ଲାଇଛନ୍ତି । ଯଦି ସରକାର ସେମାନଙ୍କ ଦାବି ପୁରଣ ନ କରନ୍ତି । ତେବେ ଆଗାମୀ ଦିନରେ ଆନ୍ଦୋଳନ ତିବ୍ର ହେବ ବୋଲି ବିଭାଗୀୟ ମନ୍ତ୍ରୀଙ୍କୁ ଚେତାବନୀ ଦେଇଛନ୍ତି ପାଓ୍ବାର ଡିଷ୍ଟ୍ରିବୁସନ ଫ୍ରଞ୍ଚାଇଜ ଏମ୍ପ୍ଲୋୟୀ ଆସୋସିଏସନ କର୍ମଚାରୀ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
