ଭୁବନେଶ୍ବର: ପାଟକୁରା ନିର୍ବାଚନକୁ ନେଇ ହୋଇଛି ଷଡଯନ୍ତ୍ର । ‘ଫନି’ ଯୋଗୁଁ କେନ୍ଦ୍ରାପଡା ଜିଲ୍ଲା ପ୍ରଭାବିତ ହୋଇ ଥିବାରୁ ପାଟକୁରା ନିର୍ବାଚନକୁ ପୁଣି ଥରେ ଘୁଞ୍ଚାଇବାକୁ ମୁଖ୍ୟମନ୍ତ୍ରୀ ଅନୁରୋଧ କରିଥିଲେ । ପରେ ନିର୍ବାଚନ କମିଶନ ମୁଖ୍ୟମନ୍ତ୍ରୀଙ୍କ ଅନୁରୋଧ ରକ୍ଷା କରି ନିର୍ବାଚନକୁ ୬୦ଦିନ ପାଇଁ ଘୁଞ୍ଚାଇ ଦେଇଛନ୍ତି । ହେଲେ ଏହାକୁ ସହଜରେ ଗ୍ରହଣ କରି ପାରିନି ବିଜେପି ।
ଦଳ ଅଭିଯୋଗ କରିଛି କେନ୍ଦ୍ରାପଡ଼ା ପାଟକୁରାରେ ବାତ୍ୟା ଫନି ଯୋଗୁଁ ବିଶେଷ କ୍ଷତି ହୋଇନଥିବା ଏବଂ ସ୍ଥିତି ସ୍ବାଭାବିକ ଥିବା ବେଳେ ଏଠାରେ ଭୟାନକ ପରିସ୍ଥିତି ଉପୁଜିଛି ବୋଲି ରାଜ୍ୟ ସରକାର ରିପୋର୍ଟ ଦେଇଛନ୍ତି । ଯାହାକୁ ଷଡ଼ଯନ୍ତ୍ର ବୋଲି କହିଛନ୍ତି ବିଜେପି ନେତା ବିଜୟ ମହାପାତ୍ର ।
ଏହି ରିପୋର୍ଟକୁ ସାର୍ବଜନୀନ କରିବା ପାଇଁ ସେ ଦାବି କରିଛନ୍ତି । ପ୍ରଥମେ ଜାଣିଶୁଣି ନିର୍ବାଚନ ବିଳମ୍ବ କରିବାକୁ ରୋଗଶଯ୍ୟାରେ ଥିବା ବେଦପ୍ରକାଶଙ୍କୁ ଟିକେଟ୍ ଦେଲା ବିଜେଡି । ଆଉ ଏବେ ଫନି ଆଳରେ ଅଫିସରମାନଙ୍କୁ ଲଗାଇ ଭୁଲ ରିପୋର୍ଟ ଉପସ୍ଥାପନ କରାଯାଇଛି । ନିର୍ବାଚନ ହାରିବା ଭୟରେ ବିଜେଡି ବାରମ୍ବାର ଏଭଳି କରୁଥିବା ବିଜୟ ମହାପାତ୍ର ଅଭିଯୋଗ କରିବା ପରେ ଏଜାର ଜବାବ ରଖିଛନ୍ତି ବିଜେଡି ନେତା ସୂର୍ଯ୍ୟ ନାରାୟଣ ପାତ୍ର ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
