ଭୁବନେଶ୍ବର: ଯୁକ୍ତଦୁଇ ବିଜ୍ଞାନ ବିଭାଗରେ ଶୂନ ପ୍ରତିଶତ ରେଜଲ୍ଟ କରିଥିବା 15ଟି କଲେଜକୁ କାରଣ ଦର୍ଶାଅ ନୋଟିସ ଦିଆଯାଇଛି । ଗଣଶିକ୍ଷା ବିଭାଗ ପକ୍ଷରୁ ନୋଟିସ ଜାରି କରାଯାଇଛି । ଏମାନଙ୍କ ମଧ୍ୟରେ ପ୍ରାୟ ଅଧିକାଂଶ ଘରୋଇ କଲେଜ ଥିବା ଜଣାପଡିଛି । ଏମାନଙ୍କ ମାନ୍ୟତା ପ୍ରତ୍ୟାହାର ସହ ନାମ ଲେଖା କାହିଁକି ବନ୍ଦ କରାନଯିବ ସେନେଇ କଲେଜ ଅଧ୍ୟକ୍ଷଙ୍କୁ ଚିଠି ଲେଖାଯାଇଛି ।
ସୂଚନା ଥାଉକି, ଚଳିତ ବର୍ଷ ଯୁକ୍ତଦୁଇ ବିଜ୍ଞାନରେ 70.21 ପ୍ରତିଶତ ରେଜଲ୍ଟ ହୋଇଛି । ସମୁଦାୟ 97, 377 ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବାବେଳେ ସେମାନଙ୍କ ମଧ୍ୟରୁ 68,374 ଜଣ ପାସ କରିଛନ୍ତି । ଯେଉଁଥିରେ 25,339 ଜଣ ପ୍ରଥମ ଶ୍ରେଣୀରେ ପାସ କରିଛନ୍ତି । ସେହିପରି 20ଟି କଲେଜରେ ଶତ ପ୍ରତିଶତ ରେଜଲ୍ଟ ହୋଇଛି । 15ଟି କଲେଜରେ ପାସ୍ ହାର ଶୂନ ପ୍ରତିଶତ ରହିଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
