ଭୁବନେଶ୍ବର: ଶାସ୍ତ୍ରୀନଗର ଶୁଭଶ୍ରୀ ମୃତ୍ୟୁ ମାମଲା (Subhashree Mohapatra death case) । ଘଟଣାର ସିନ ରିକ୍ରିଏସନ କଲା ପୋଲିସ (Crime Scene Recreation) । ସିନ ରିକ୍ରିଏସନ ପାଇଁ ବଏଫ୍ରେଣ୍ଡକୁ ଧରି ବୁଲୁଛି ଖାରବେଳନଗର ପୋଲିସ । ଶାସ୍ତ୍ରୀନଗର ପ୍ଲଟ ନମ୍ବର ୨୧୯/୨୬୨୬ ସ୍ଥିତ ଭଡ଼ା ଘରେ କ୍ରାଇମ୍ ସିନର ରିକ୍ରିଏସନ କରିଛି ପୋଲିସ ।
କେମିତି ପ୍ରେମିକାର ଝୁଲନ୍ତା ମୃତଦେହକୁ ତଳକୁ ଓହ୍ଲାଇଥିଲା ? କିପରି ପ୍ରେମିକାର ବେକରୁ ଓଢଣି କାଢି ଅନ୍ୟତ୍ର ଲୁଚାଇଥିଲା ? ସବୁ ଗୋଟି ଗୋଟି କରି ଦେଖାଇଲା ଶୁଭଶ୍ରୀଙ୍କ ପୁରୁଷବନ୍ଧୁ ଚିତ୍ତ।ସିନ ରିକ୍ରିଏସନ ବେଳେ ଶୁଭଶ୍ରୀଙ୍କ ମୃତ୍ୟର କାହାଣୀ କହିଛି। କିପରି ଆସିଥିଲେ ଶୁଭଶ୍ରୀଙ୍କ ଭଡାଘରକୁ ? ଆତ୍ମହତ୍ୟା ପାଇ ଶୁଭଶ୍ରୀ ଜିଦ ଧରୁଥିବା ବେଳେ କିପରି ମନାଇବାକୁ ଚେଷ୍ଟା କରିଥିଲେ ? ଏସବୁ କାହାଣୀ କହିଛି ବଏଫ୍ରେଣ୍ଡ ଚିତ୍ତ ।
ଏହା ବି ପଢନ୍ତୁ-ହତ୍ୟା ନୁହେଁ ଆତ୍ମହତ୍ୟା କରିଛନ୍ତି ଶୁଭଶ୍ରୀ, ପୋଷ୍ଟମର୍ଟମ ରିପୋର୍ଟରୁ ସ୍ପଷ୍ଟ
ଅନ୍ୟପଟେ ସିନ ରିକ୍ରିଏସନ ବେଳେ ପୋଲିସକୁ ମିଳିଛି ଅନେକ ପ୍ରମାଣ । ଆଉ ଘଟଣାରପ୍ରତ୍ୟକ୍ଷ ପ୍ରମାଣ ସହ ଓ ସାକ୍ଷୀଙ୍କ ସମ୍ପର୍କରେ ଜାଣିବାକୁ ପାଇଛି ପୋଲିସ । ଆତ୍ମହତ୍ୟା ପାଇ ଉସୁକାଇବା ମାମଲାରେ ଗିରଫ କରିଥିବା ପୁରୁଷ ବନ୍ଧୁ ଏବେ ବିଚାରବିଭାଗୀୟ ହାଜତରେ ରହିଛି ।
ଅଭିଯୁକ୍ତକୁ ନେଇ ଆତ୍ମହତ୍ୟା ଘଟଣା ଦିନର ଘଟଣା କ୍ରମ କଣ ଥିଲା ସେ ନେଇ ପୋଲିସ ଖୋଳତାଡ଼ କରୁଛି । ଶୁଭଶ୍ରୀ ମୃତ୍ୟକୁ ନେଇ ସସପେନ୍ସ ଲାଗି ରହିଥିବା ବେଳେ ଶେଷରେ ବଏଫ୍ରେଣ୍ଡ ମୃତ୍ୟୁର କାରଣ ବୋଲି ଜଣାପଡ଼ିଛି । ଶୁଭଶ୍ରୀ ବାହାଘର ପରେ ବି ଭୁଲି ନଥିଲେ ପ୍ରେମ ସମ୍ପର୍କ । ସ୍ବାମୀ ଥାଇ ବି ପ୍ରେମିକ ସହ ଥିଲା ନିବିଡ ଭାବ । ଏଥିସହ ସ୍ବାମୀ, ପ୍ରେମିକ ପରେ ବି ୩ୟ ପୁରୁଷକୁ ନେଇ ଉଠିଥିଲା ସନ୍ଦେହ । ଶୁଭଶ୍ରୀଙ୍କ ସହ ତୃତୀୟ ପୁରୁଷର ମିଳାମିଶାକୁ ସହିପାରିନଥିଲା ପ୍ରେମିକ । ଆଉ ଯାହାକୁ ନେଇ ହୋଇଥିଲା ସାଙ୍ଘାତିକ ଗଣ୍ଡଗୋଳ । ଏହାପରେ ଶୁଭଶ୍ରୀ ଆତ୍ମହତ୍ୟା କରିଥିଲେ ।
ଆତ୍ମହତ୍ୟାର ପ୍ରମାଣ ଲୁଚାଇବାକୁ ଯାଇ ବନ୍ଧା ହୋଇଛନ୍ତି ପ୍ରେମିକ ଚିତ୍ତରଞ୍ଜନ । ଏମିତି କିଛି ଘଟଣାର ଖୁଲାସା କରିଛି କମିଶନରେଟ ପୋଲିସ । ପର ପୁରୁଷ ସହ ପାପ ସମ୍ପର୍କ ଓ ସ୍ବାମୀ ଥାଇ ପ୍ରେମିକ ପ୍ରତି ନିବିଡ ଭାବର କରୁଣ ପରିଣତି ଭୋଗିବାକୁ ପଡିଛି ଉଭୟ ପ୍ରେମିକ ଓ ପ୍ରେମିକାଙ୍କୁ । ତେବେ ଶୁଭଶ୍ରୀ ମହାପାତ୍ର ଓ ଚିତ୍ତରଞ୍ଜନ ଜେନା ଥିଲେ ଗାଁ ପାଖର ବନ୍ଧୁ । ୨୦୧୪ରେ ହୋଇଥିଲା ଶୁଭଶ୍ରୀଙ୍କର ଲକ୍ଷ୍ମୀନାରାୟଣ ସହ ବାହାଘର । ହେଲେ ପ୍ରେମିକକୁ ଭୁଲିନଥିଲେ ଶୁଭଶ୍ରୀ । ବାହାଘର ପରେ ରଖୁଥିଲେ ଅବୈଧ ସମ୍ପର୍କ ଓ ବିଭିନ୍ନ ସମୟରେ ସ୍ବାମୀ ଅନୁପସ୍ଥିତିରେ କରୁଥିଲେ ମିଳାମିଶା ।
ଏହା ବି ପଢନ୍ତୁ-ଶୁଭଶ୍ରୀ ମୃତ୍ୟୁ ମାମଲା ଉପରୁ ଉଠିଲା ପରଦା, ବୟଫ୍ରେଣ୍ଡକୁ ବାନ୍ଧିଲା ପୋଲିସ
ମୃତ୍ୟୁର କିଛି ଦିନ ପୂର୍ବରୁ ଶୁଭଶ୍ରୀ ଅନ୍ୟ ଜଣେ ଯୁବକ ସହ କ୍ୟାପିଟାଲ ହସ୍ପିଟାଲ ଯାଇଥିଲେ । ସେଠାରେ ଶୁଭଶ୍ରୀଙ୍କୁ ଚିତ୍ତରଞ୍ଜନ ଦେଖିବା ପରେ ପର ପୁରୁଷ ସହ କାହିଁ ମିଶୁଛୁ କହି ଗାଳି କରିଥିଲେ । ଏହା ସହିନପାରି ଶୁଭଶ୍ରୀ ଆତ୍ମହତ୍ୟା କରିଥିଲେ । ଆତ୍ମହତ୍ୟା କରିଥିବା ଓଢଣୀକୁ ନେଇ ଆସି ଅନ୍ୟତ୍ର ଫିଙ୍ଗି ଫେରାର ହୋଇଥିଲେ ଚିତରଞ୍ଜନ । ପରେ ସ୍ବାମୀ ଆସି ମୃତଦେହ ଦେଖିବା ପରେ ଥାନାରେ ଅଭିଯୋଗ କରିଥିଲେ । ତେବେ ପାରିପାର୍ଶିକ ପ୍ରମାଣ ଓ ସାକ୍ଷୀ ଓ ପୋଷ୍ଟମର୍ଟମ ରିପୋର୍ଟରୁ ଆତ୍ମହତ୍ୟା ପାଇ ଉସୁକାଇବା ଓ ପ୍ରମାଣ ନଷ୍ଟ ମାମଲାରେ ପ୍ରେମିକ ଚିତ୍ତରଞ୍ଜନ ଗିରଫ ହୋଇଥିବା ନେଇ ଜଣାପଡିଛି ।
ଇଟିଭି ଭାରତ, ଭୁବନେଶ୍ବର
