ଭୁବନେଶ୍ବର: ହାଜତ ମୃତ୍ୟୁ ଘଟଣାର ତଦନ୍ତ ଆରମ୍ଭ କଲା ପୋଲିସ । ଏନଏଚଆରସିର ଗାଇଡ ଲାଇନ ଅନୁସାରେ ତଦନ୍ତ ଚାଲିଛି । ଏନେଇ ତଦନ୍ତ କରୁଛନ୍ତି ତଦନ୍ତକାରୀ ଅଧିକାରୀ । ସେପଟେ ପୋଲିସ କହିଛି, ମୃତ ପ୍ରଦୀପ ସାହୁ ଜଣେ ପେଷାଦାର ଅପରାଧୀ ଏବଂ ଚୋରି ମାମଲାରେ ଗିରଫ କରାଯାଇଥିଲା ।
ହାଜତ ମୃତ୍ୟୁ ଘଟଣାରେ ପୋଲିସର ପ୍ରତିକ୍ରିୟା: ଏନଏଚଆରସିର ଗାଇଡ ଲାଇନ ଅନୁସାରେ ତଦନ୍ତ ଚାଲିଛି
ତାଙ୍କୁ ଗିରଫ ପାଇଁ ଉଦ୍ୟମବେଳେ ସେ ଗଳିପଡ଼ିଥିବା ପୋଲିସ କହିଛି । ଯାହାଫଳରେ ସେ ଗୁରୁତର ହୋଇଯାଇଥିଲେ । ତେଣୁ ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ଏଠାରେ ପ୍ରଶ୍ନ ଉଠେ, ଗୋଟିଏ ବ୍ୟକ୍ତି ଦୁଇଟି ପରିଚୟ। ପତ୍ନୀ ଗୋଟିଏ ପରିଚୟ ଦେଉଥିବାବେଳେ ପୋଲିସ ଆଉ ଗୋଟେ ପରିଚୟ ଦେଉଛି । ହେଲେ ଘଟଣା ହାଜତ ମୃତ୍ୟୁ ପଛରେ ଅବହେଳା କାହାର ? ଏନେଇ କଣ ବିଭାଗୀୟ କାର୍ଯ୍ୟାନୁଷ୍ଠାନ ନେବ ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
