ଭୁବନେଶ୍ବର: ରାଜଧାନୀରେ ରାଜନୈତିକ ହିଂସାକୁ ନେଇ ପୋଲିସ କଠୋର ଆଭିମୁଖ୍ୟ । ଶାସକ ଦଳର ଟାଣୁଆ ନେତାଙ୍କ ଘରେ ପଶିଲା ପୋଲିସ । ଲକ୍ଷ୍ମୀସାଗର ହିଂସାକାଣ୍ଡ ମାମଲାରେ ଥାନାରେ ଟାଣୁଆ ନେତା ଶିଖର ଜେନାଙ୍କ ନାଁରେ ରହିଛି ମାମଲା । ଯାହାକୁ ନେଇ ଦଳ ବଦଳ ଧରି ପୋଲିସ ଘରେ ପହଞ୍ଚି କରୁଛି ତନାଘନା ।
ରାଜଧାନୀରେ ରାଜନୈତିକ ଛକାପଞ୍ଝା
ଶିଖର ଜେନା ସ୍ଥାନୀୟ କର୍ପୋରେଟରଙ୍କ ସମ୍ପର୍କୀୟ ବୋଲି ଜଣାପଡ଼ିଛି । ପୋଲିସ ଶିଖରଙ୍କ ଘରେ ପହଞ୍ଚି ତନାଘନା ଆରମ୍ଭ କରିଛି । ଏନେଇ ଆଡିସିନାଲ ଡିସିପିଙ୍କ ନେତୃତ୍ବରେ 8ଟି ଗାଡିରେ କାଉଣ୍ଟରଟେରୋରିଷ୍ଟ ସ୍କ୍ବାର୍ଡ, ସ୍ବତନ୍ତ୍ର ବନ୍ଧୁକଧାରୀ ପୋଲିସ ସହ , 3 ଇନସପେକ୍ଟରଙ୍କ ସହ 3 ଏସଆଇ ଲକ୍ଷ୍ମୀସାଗରରେ ବୁଲି ତନାଘନା ଚଳାଇଛନ୍ତି । ଏହି ଘଟଣାରେ ପୋଲିସ କହିଛି ଯେ ପଲଟିକାଲ ଟେନସନ ପାଇଁ ପାଟ୍ରୋଲିଂ ଚାଲିଛି । କିଛି ନିର୍ଦ୍ଦିଷ୍ଟ ଅଭିଯୋଗ ଆଧାରରେ ତଦନ୍ତ ଚାଲିଛି ବୋଲି କହିଛି ପୋଲିସ ।
Laxmisagar Violence: ମୁଖ୍ୟ ଅଭିଯୁକ୍ତ ଶିଖର ଜେନା ଘରେ ପଶିଲା କମିଶନରେଟ ପୋଲିସ
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
