ଭୁବନେଶ୍ବର: ସାମ୍ନାକୁ ଆସିଲା ନକଲି ଡାକ୍ତରର ଅସଲି ଓ୍ବିଟନେସ । ଖୋଲିଲା ନକଲି ଡାକ୍ତର ରମେଶ ସ୍ବାଇଁର କେଳେଙ୍କାରୀର ଗୁମର । କିପରି ବଦଳାଉଥିଲେ ଗୋଟିଏ ପରେ ଗୋଟିଏ ପତ୍ନୀ ଏସବୁର ପର୍ଦ୍ଦାଫାସ କରିଛି ପୋଲିସ ।
ଗେଷ୍ଟର ପରିଚୟ ଦେଇ ଅନେକ ମହିଳାଙ୍କୁ ଘରକୁ ଆଣୁଥିଲେ ନକଲି ଡାକ୍ତର ରମେଶ ସ୍ବାଇଁ, ଯାହାର ଏକମାତ୍ର ସାକ୍ଷୀ ଥିଲେ ତାଙ୍କ ଘରର ସହାୟିକା । ଏନେଇ ସହାୟିକାଙ୍କୁ ପଚରାଉଚରା କରିବା ପରେ ୬ ଜଣ ମହିଳାଙ୍କ ସମ୍ପର୍କରେ ଜାଣିବାକୁ ପାଇଛି ପୋଲିସ । ସହାୟିକା ଜଣକ କହିଛନ୍ତି ଯେ, ନକଲି ଡାକ୍ତରଙ୍କ ବାବଦରେ ସେ ୨ ଜଣ ମହିଳାଙ୍କୁ କହିବାରୁ ତାଙ୍କୁ ରାଗିଯାଇ ଚାକିରିରୁ ବିଦା କରିଦେଇଥିଲେ ରମେଶ ସ୍ବାଇଁ । ଏପରିକି ତାଙ୍କୁ ୨ ବର୍ଷର ଦରମା ମଧ୍ୟ ଦେଇନଥିବା ସେ କହିଛନ୍ତି ।
ଏସବୁ ବୟାନକୁ ଭିତ୍ତି କରି ପୋଲିସ ରମେଶ ବିରୋଧରେ ପ୍ରମାଣ ଯୋଗାଡ କରିଛି । ଅନ୍ୟପଟେ ଘଟଣାରେ ରମେଶ ସମେତ ତାଙ୍କ ଭଉଣୀ ଓ ଡ୍ରାଇଭରକୁ ଗିରଫ କରିଛି ପୋଲିସ । ପ୍ରଥମ ପତ୍ନୀକୁ ପଚରାଉଚାର କରିବା ସହ ଅଧିକ ତଦନ୍ତ ଜାରି ରଖିଛି ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
