ଭୁବନେଶ୍ବର: ରାଜଧାନୀରେ ଫୁଟିଲା ଗୁଳି। ଅପରାଧିଙ୍କୁ ସାବାଡ କରିବାକୁ ପୋଲିସର ଏନକାଉଣ୍ଟର। ରାଜଧାନୀସ୍ଥିତି ରଙ୍ଗବଜାର ଛକରେ ଏନକାଉଣ୍ଟର କରିଛି କମିସନରେଟ ପୋଲିସ। ଦୁଇ ଦୁର୍ଦ୍ଦାନ୍ତ ଅପରାଧି ଅରୁଣ କୁମାର ମଲ୍ଲିକ ଓ ବିବେକାନନ୍ଦ ନାୟକକୁ ଏନକାଉଣ୍ଟର କରିଛି କମିସନରେଟ ପୋଲିସ।
ସେମାନଙ୍କ ବିରୋଧରେ ଭୁବନେଶ୍ବରର ବିଭିନ୍ନ ଥାନା ଯଥା ଛିନତାଇ, ରାହାଜାନି, ଲୁଟ ଓ ଡକାୟତି ଭଳି ସଙ୍ଗୂନ ଅପରାଧିକ ମାମଲା ରହିଛି । ଶୁକ୍ରବାର ରାତିରେ ସହିଦନଗର ଥାନା ଅଞ୍ଚଳର ରଙ୍ଗବଜାର ସାଇ ମନ୍ଦିର ନିକଟରେ ପୋଲିସ ପାଟ୍ରୋଲିଂ ବେଳେ ସୁରାକ ପାଇଥିଲା । ସୂଚନା ପାଇ ଘଟଣା ସ୍ଥଳରେ ପହଞ୍ଚିଥିଲେ ସହିଦନଗର ଆଇଆଇସି ବିରଞ୍ଚି ପତି ଓ ତାଙ୍କ ଟିମ।
ଏକ ୱାଗନର ଯୋଗେ ସେମାନେ ଯାଉଥିବା ବେଳେ ପୋଲିସ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲା। ହେଲେ ସେମାନେ ପଳାୟନ କରିବାକୁ ଉଦ୍ୟମ କରିଥିଲେ। ଏପରିକି ପୋଲିସ ଉପରେ ଲଙ୍କା ଗୁଣ୍ଡ ପକାଇଥିଲେ। ଫଳରେ ବାଧ୍ୟ ହୋଇ ପୋଲିସ ଫାୟାରିଂ କରିଥିଲା । ତେବେ ଅପରାଧି ବିବେକାନନ୍ଦର ଘର ଆଠଗଡ ହୋଇଥିବା ବେଳେ ଅରୁଣର ଘର ବାଲେଶ୍ବର ସୋର ଠାରେ ଥିବା ଜଣାପଡିଛି। ଘଟଣାସ୍ଥଳରେ ସେମାନଙ୍କ କାର ମଧ୍ୟ ଜବତ ହୋଇଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
