ଭୁବନେଶ୍ବର: ସରକାରଙ୍କ ଅଗଷ୍ଟ ୯ ତାରିଖ କଟକଣା ଅନୁସାରେ ହେବ ପୂଜା ସେଲିବ୍ରେସନ। ଏଥିପାଇଁ ସ୍ଥାନୀୟ ପ୍ରଶାସନର ରହିବ କଟକଣା । ଜନସାଧାରଣ ସେହି ଅନୁସାରେ ପାଳନ କରିବାକୁ କହିଛନ୍ତି ପୋଲିସ କମିଶନର। ଦୈତ ନଗରୀରେ ଇନଡୋର ନାଇଟ ଲାଇଟ ଫ୍ୟାଶନରେ ପୂଜା ସେଲିବ୍ରେଟ କରିବାକୁ ନିର୍ଦ୍ଦେଶ ଦେଇଛନ୍ତି।
ନିୟମାବଳି ଅନୁସାରେ ପୂଜା ମଣ୍ଡପରେ ଡାକବାଜି ଯନ୍ତ୍ର ମନା ସହିତ ଡିଜେ ବା ମ୍ୟୁଜିକାଲ ପୋଗ୍ରାମ ମନା । ପ୍ରୋସେସନ ଓ ବିସର୍ଜନ ଲୋକାଲ ଆଡମିନଷ୍ଟ୍ରେସନ ଅନୁସାରେ ନିୟମ ପାଳିବାକୁ ନିର୍ଦ୍ଦେଶ ରହିଛି। ସାମାଜିକ ଦୂରତା ସହ କୋଭିଡ କଟକଣାରେ ପାଳନ କରିବା ନେଇ ମଧ୍ୟ ନିର୍ଦ୍ଦେଶ ରହିିଛି । ଲାଇଟ ଲଗାଇବାରେ କଟକଣା ନାହିଁ କିନ୍ତୁ, ମଣ୍ଡପ ଭିତରେ ଏହି ନିୟମ ରହିଛି। ୧୧ ତାରିଖ ରାତି ୮ଟାରୁ ଲାଗୁ ରହିବ କର୍ଫ୍ୟୁ । ଏଥିପାଇଁ କଡାକଡି ହେବ ପୋଲିସ କଡା ପ୍ରହରା ଓ ପାଟ୍ରୋଲିଂ। ଜୀବନ ଆଗ ପାର୍ବଣ ପଛ ବୋଲି ଦୈତନଗରି ବାସିଙ୍କୁ ନିୟମ ପାଳିବାକୁ ଅନୁରୋଧ କରିଛନ୍ତି ପୋଲିସ କମିଶନର । ଅପରାଧ ଓ ଅପରାଧି ନିୟନ୍ତ୍ରଣ ପାଇଁ ଅନେକ ପେଶାଦାର ଅପରାଧିଙ୍କୁ ଗିରଫ କରାଯାଇଛି ବୋଲି ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
