ଭୁବନେଶ୍ବର: ଗ୍ରାମାଞ୍ଚଳରେ ରାସ୍ତା ନିର୍ମାଣକୁ ନେଇ ଗୃହରେ ଉଦବେଗ ପ୍ରକାଶ । ବିରୋଧୀ ଓ ଶାସକ ଦଳର ବିଧାୟକ ପ୍ରକାଶ କରିଛନ୍ତି ଅସନ୍ତୋଷ । ଗୃହରେ ଏପରି ଉଦବେଗକୁ ଦେଖି ଗ୍ରାମ ଉନ୍ନୟନ ମନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି ବାଚସ୍ପତି ।
ରାସ୍ତା ନିର୍ମାଣକୁ ନେଇ ବିଧାୟକଙ୍କ ଉଦବେଗ, ବାଚସ୍ପତି କଲେ ହସ୍ତକ୍ଷେପ
ଗ୍ରାମ ଉନ୍ନୟନ ବିଭାଗ ଏକ ୱେବସାଇଟ କରି କେଉଁ ରାସ୍ତା ଖରାପ ଅଛି, କାମ ହେବାର ଅଛି, କଣ କାମ ହେବ ସେ ନେଇ ତଥ୍ୟ ଅପଲୋଡ଼ କରିବାକୁ କହିଛନ୍ତି । ଏହା ସହ ଜିଲ୍ଲାସ୍ତରରେ ବିଧାୟକଙ୍କୁ ଡାକି ସମସ୍ୟା ବିଷୟରେ ଆଲୋଚନା କରିବାକୁ ଦେଇଛନ୍ତି ନିର୍ଦ୍ଦେଶ ।
ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନା ଫେଜ 2ରେ 650 ଟି ରାସ୍ତା ପାଇଁ 1651 କୋଟି ଟଙ୍କା ମଞ୍ଜୁର ହୋଇଛି । ସେଥିରୁ 9 ଟି ସରିଥିବା ବେଳେ 627 ଟି କାମ ଚାଲିଛି । ସେହିପରି 14ଟି କୋଟ କେସ, ଟେଣ୍ଡରରେ ବିଳମ୍ବ କାରଣରୁ ଆରମ୍ଭ ହୋଇପାରିନି ବୋଲି ସୂଚନା ଦେଇଛନ୍ତି ଗ୍ରାମ୍ୟ ଉନ୍ନୟନ ମନ୍ତ୍ରୀ ସୁଶାନ୍ତ ସିଂ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
