ଭୁବନେଶ୍ବର: ଏବର୍ଷ କୋରୋନା ମାଡରେ ଛାତ୍ରଛାତ୍ରୀଙ୍କ ପଢା ଉପରେ ପଡିଛି ବିଶେଷ ପ୍ରଭାବ । ଏନେଇ ଚଳିତ ବର୍ଷ ପରୀକ୍ଷା ଫଳ ପ୍ରକାଶ ପାଇବାରେ ମଧ୍ୟ ବିଳମ୍ବ ପରିଲକ୍ଷିତ ହୋଇଛି । ଏମିତିରେ ଯୁକ୍ତ ଦୁଇ କଳା ଓ ଧନ୍ଦାମୂଳକ ପରୀକ୍ଷା ଫଳ ବିଳମ୍ବରେ ପ୍ରକାଶିତ ହେବା ନେଇ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ ।
ଏହି କ୍ରମରେ ଅଗଷ୍ଟ ଶେଷ ସପ୍ତାହରେ ପରୀକ୍ଷା ଫଳ ବାହାରିବା ବଦଳରେ ଏବେ ସେପ୍ଟେମ୍ବର ପ୍ରଥମ ସପ୍ତାହରେ ପରୀକ୍ଷା ଫଳ ବାହାରିବ ବୋଲି ମନ୍ତ୍ରୀ ସୂଚନା ଦେଇଛନ୍ତି । ଉଚ୍ଚ ମାଧ୍ୟମିକ ଶିକ୍ଷା ପରିଷଦର ଦୁଇ ଜଣ କର୍ମଚାରୀ କୋରୋନା ପଜିଟିଭ ଚିହ୍ନଟ ହେବା ପରେ ଏଭଳି ସ୍ଥିତି ଉପୁଜିଥିବା ସେ ସ୍ପଷ୍ଟ କରିଛନ୍ତି ।
ସେପଟେ ଚଳିତ ବର୍ଷ 2 ଲକ୍ଷ 25 ହଜାର ଛାତ୍ରଛାତ୍ରୀ ଯୁକ୍ତ 2 କଳା ପରୀକ୍ଷା ଦେଇଥିବା ବେଳେ 7 ହଜାର 750 ଜଣ ଛାତ୍ରଛାତ୍ରୀ ଧନ୍ଦାମୂଳକ ପରୀକ୍ଷା ଦେଇଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
