ଭୁବନେଶ୍ବର: ପ୍ରକାଶ ପାଇଲା କମନ ପିଜି ପ୍ରବେଶିକା ପରୀକ୍ଷାର କାର୍ଯ୍ୟସୂଚୀ । କୋରୋନା କଟକଣା ମଧ୍ୟରେ ହେବ ପରୀକ୍ଷା । ଆସନ୍ତା ୨୩ ତାରିଖରୁ ଆରମ୍ଭ ହେବ ପିଜି ପ୍ରବେଶିକା ପରୀକ୍ଷା । ଏନେଇ ସୂଚନା ଦେଇଛି ଉଚ୍ଚଶିକ୍ଷା ବିଭଗ ।
ତିନୋଟି ପର୍ଯ୍ୟାୟରେ ହେବ ପରୀକ୍ଷା । ଅଗଷ୍ଟ 23 ତାରିଖରୁ ପରୀକ୍ଷା ଆରମ୍ଭ ହୋଇ ସେପ୍ଟେମ୍ବର 9 ତାରିଖ ପର୍ଯ୍ୟନ୍ତ ଚାଲିବ ପରୀକ୍ଷା । ପରୀକ୍ଷା ପ୍ରଥମ ପର୍ଯ୍ୟାୟରେ 10ଟାରୁ 11 ଟା 30 ପର୍ଯ୍ୟନ୍ତ ହେବାକୁ ଥିବାବେଳେ ଦ୍ବିତୀୟ ପର୍ଯ୍ୟାୟରେ 12 ଟା 30ରୁ 2ଟା ପର୍ଯ୍ୟନ୍ତ ହେବ ।
ସେହିପରି ତୃତୀୟ ପର୍ଯ୍ୟାୟ ପରୀକ୍ଷା 3 ଟାରୁ 4 ଟା 30 ପର୍ଯ୍ୟନ୍ତ ଚାଲିବ । ଏହି ପରୀକ୍ଷା ସମୟରେ ସମସ୍ତ ପ୍ରକାରର କୋଭିଡ଼ କଟକଣା ମାନିବାକୁ ନିର୍ଦ୍ଦେଶ ଦିଆଯାଇଛି । ପରୀକ୍ଷା ହଲକୁ ପ୍ରବେଶ କରିବା ପୂର୍ବରୁ ମାସ୍କ ସାନିଟାଇଜର ଓ କୋଭିଡ କଟକଣା ମାନିବାକୁ ନିର୍ଦ୍ଦେଶ ଦିଆଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
