ଭୁବନେଶ୍ବର: ରାଜଭବନ ନିକଟସ୍ଥ ପେଟ୍ରୋଲ ପମ୍ପ ବିସ୍ଫୋରଣ ଘଟଣା । ଦିନ 2 ଟା ପର୍ଯ୍ୟନ୍ତ ବନ୍ଦ ରହିବ ରାସ୍ତା। ପେଟ୍ରୋଲ ପମ୍ପରୁ ଅବଶିଷ୍ଟ ଏଲପିଜି ଗ୍ୟାସ୍ ଅପସାରଣ ଆଜି ସକାଳ 6:30 ରେ ଶେଷ ହୋଇଥିଲା । ପେଟ୍ରୋଲ, ଡିଜେଲ ଅପସାରଣ ପାଇଁ ଅପରେସନ୍ ବର୍ତ୍ତମାନ ଚାଲିଛି।
ଏନେଇ ପେଟ୍ରୋଲ ପମ୍ପ ଦେଇ ଯାଇଥିବା ସଡକ ଉପରେ ଯାତାୟାତ ବନ୍ଦ ରହିଛି । ସୁରକ୍ଷାକୁ ଦୃଷ୍ଟିରେ ରଖି ଏପରି କରାଯାଇଛି । ତେବେ ଅପରେସନ 2ଟା ସୁଦ୍ଧା ଶେଷ ହେବ ବୋଲି କମିଶନରେଟ ପୋଲିସ ପକ୍ଷରୁ ସୂଚନା ମିଳିଛି । ଫଳରେ ଦିନ 2ଟା ଯାଏ ରାସ୍ତା ବନ୍ଦ ରହିବ ବୋଲି କୁହାଯାଉଛି ।
ସୂଚନାଥାଉକି, ଗତକାଲି ରାଜଭବନ ନିକଟରେ ଥିବା ପେଟ୍ରୋଲ ପମ୍ପରେ ବିସ୍ଫୋରଣ ହୋଇଥିଲା । ଏଥିରେ ଅନେକ ଗୁରୁତର ଆହତ ହୋଇ ମେଡିକାଲରେ ଭର୍ତ୍ତି ହୋଇଥିବାବେଳେ ଜଣଙ୍କର ମୃତ୍ୟୁ ଘଟିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
