ଭୁବନେଶ୍ବର: ଆକ୍ସନ ମୋଡରେ ବିଏମସି, କୋଭିଡ ନିୟମ ଅବାମାନନା କରି ରାଜଧାନୀରେ ସିଲ ହେଲା ପାର୍ଲର। କୋଭିଡ ନିୟମ ଉଲ୍ଲଂଘନ ଅଭିଯୋଗରେ ସିଲ ହେଲା ଭୁବନେଶ୍ୱରର ଦୁଇଟିି ବିୟୁଟି ପାର୍ଲର । ଏହାସହ ଦୁଇଟିି ସେଲୁନକୁ ମଧ୍ୟ ବିଏମସି ପକ୍ଷରୁ ସିଲ କରାଯାଇଛିି । ବିଏମସିର ସାଉଥ ୱେଷ୍ଟ ଟିମ କଳିଙ୍ଗ ନଗର ଓ ସିଆରପିଏଫର ବିଭିନ୍ନ ଅଞ୍ଚଳରେ ଚଢ଼ାଉ କରିଥିଲା । ଚଢ଼ାଉ ବେଳେ କଳିଙ୍ଗ ନଗର ଓ ସିଆରପିଏଫ ଛକରେ ଥିବା ଦୁଇଟି ପାର୍ଲର ଖୋଲା ଥିଲା । ଏଭଳି ସ୍ଥଳେ ବିଏମସି ପକ୍ଷରୁ ଚଢ଼ାଉ ଜୋରଦାର କରାଯାଇ ଉକ୍ତ ଦୋକାନ ଗୁଡିକ ସିଲ୍ କରାଯାଇଛି।
କୋଭିଡ ନିୟମ ମାନ ସମସ୍ତ ଦୋକାନ ବଜାର ଖୋଲିବାକୁ ରାଜ୍ୟ ସରକାର ଗାଇଡଲାଇନ ଜାରି କରିଛନ୍ତି । ଏଥିରେ ଅବମାନନା କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୂର୍ବରୁ କୁହାଯାଇଛି । ରାଜ୍ୟରେ କୋରୋନା ମିଟର ଉପରମୁହାଁ ଥିବା ସତ୍ତ୍ବେ କିଛି ଦୋକାନୀ କୋଭିଡ ନିୟମକୁ ଖୋଲାଖୋଲି ଭାବରେ ଉଲଂଘନ କରୁଥିବା ଦେଖା ଯାଇଛି । ଏହାପୂର୍ବରୁ ରାଜଧାନୀରେ ଏକ ଜଣାଶୁଣା କପଡ଼ା ଦୋକାନକୁ ସିଲ କରିବା ସହ ମୋଟା ଅଙ୍କର ଜୋରିମାନା କରିଥିଲା ବିଏମସି । ତେବେ ଏସବୁ ଦୋକାନୀ କିମ୍ବା ଗ୍ରାହକଙ୍କ ଉପରେ କୌଣସି ପ୍ରଭାବ ପକାଉନଥିବା ଜଣା ପଡ଼ୁଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
