ଭୁବନେଶ୍ବର: ନେଭା ଆପ୍ର ଅଗ୍ରଗତି, ଇ-ବିଧାନସଭା ଭିତ୍ତିଭୂମିର ସମୀକ୍ଷା କରିବା ପାଇଁ ସଂସଦୀୟ ବ୍ୟାପାର ସଚିବ ଏସ ରାଜେନ୍ଦ୍ର ଶୁକ୍ଳା ଓଡିଶା ଗସ୍ତରେ ଆସିଛନ୍ତି । ତେବେ ଗୁରୁବାର ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ସହିତ ସେ ଆଲୋଚନା କରିବାର କାର୍ଯ୍ୟକ୍ରମ ରହିଛି ।
ଭାରତବର୍ଷର 2ଟି ରାଜ୍ୟ ଓଡିଶା ଓ ପଞ୍ଜାବରେ କାର୍ଯ୍ୟ କରୁଛି । ଏଥିଲାଗି କେନ୍ଦ୍ର ସରକାର 60 ପ୍ରତିଶତ ବିନିଯୋଗ କରୁଥିବାବେଳେ ରାଜ୍ୟ ସରକାର 40 ପ୍ରତିଶତ ଯୋଗଦାନ କରିବେ । ଏହି ଅର୍ଥ ବର୍ତ୍ତମାନ ରାଜ୍ୟ ସରକାରଙ୍କ ଆଇଟି ବିଭାଗ ନିକଟରେ ରହିଛି । ଏହି ଅର୍ଥ ସହାୟତାରେ ବିଧାନସଭାକୁ ଇ-ବିଧାନସଭାରେ ପରିଣତ କରାଯିବ । ତେବେ ବିଧାନସଭାରେ ଲାନ, ୱାଇଫାଇ ଆଦି ଇ-ବିଧାନସଭା ପାଇଁ ସମସ୍ତ କାର୍ଯ୍ୟକ୍ରମ ଶେଷ ହୋଇଛି ।
ପ୍ରଥମ ଦଫାରେ ଇ-ବିଧାନସଭା ଲାଗି କାର୍ଯ୍ୟ ଶେଷ ହୋଇଛି । ତେବେ ଦ୍ବିତୀୟ ପର୍ଯ୍ୟାୟ ପାଇଁ ଆବଶ୍ୟକତା ସମ୍ପର୍କରେ କେନ୍ଦ୍ରକୁ ସୂଚନା ଦିଆଯାଇଛି । ଏହି ସମ୍ପର୍କରେ ଆଲୋଚନା କରିବା ପାଇଁ ସଂସଦୀୟ ବ୍ୟାପାର ସଚିବ ଆସିଥିବା ଜଣାପଡିଛି । ଏହାସହିତ ବିଧାନସଭା ଗୃହ, ସଚିବାଳୟ, ଲାଇବ୍ରେରୀ, ରେପୋର୍ଟରସ ରୁମ ପରିଦର୍ଶନ କରିଛନ୍ତି । ଏହି ଇ-ବିଧାନସଭାର ବ୍ୟବସ୍ଥା ସମ୍ପର୍କରେ ବାଚସ୍ପତିଙ୍କ ସହିତ ଆଲୋଚନା କରିବେ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
