ଭୁବନେଶ୍ବର: କୋରୋନା ସମୟରେ ବହୁଦିନ ଧରି ସ୍କୁଲ ବନ୍ଦ ଥିବାରୁ ଅଭିଭାବକ ସଙ୍ଘ ପକ୍ଷରୁ ସ୍କୁଲ୍ ଫି ଛାଡ କରିବାକୁ ବାରମ୍ବାର ଦାବି କରିଛି । ଏନେଇ ଉଚ୍ଚ ନ୍ୟାୟାଳୟଙ୍କ ଅଧ୍ୟକ୍ଷତାରେ ଶିକ୍ଷା ସଚିବଙ୍କ ମଧ୍ୟରେ ଦୁଇ ଦୁଇ ଥର ବୈଠକ ବସିଛି । ଏଥିରେ ଆନୁଷଙ୍ଗିକ ଫି ଛାଡ଼ କରିବା ସହିତ ଟିୟୁସନ ଫି ର କିଛି ଅଂଶ ଛାଡ଼ କରିବାକୁ ନିଷ୍ପତ୍ତି ନିଆଯାଇଥିଲା । ମାତ୍ର ଏହାକୁ ବିରୋଧ କରିଛନ୍ତି ଅନେକ ସ୍କୁଲ । ଏଥିସହ ଅନେକ ସ୍କୁଲରେ ଫି ମଧ୍ୟ ଛାଡ କରାଯାଉନାହିଁ, ଯାହାକୁ ଅଭିଭାବକ ସଙ୍ଘ ପକ୍ଷରୁ ଦୃଢ ବିରୋଧ କରାଯାଇଛି ।
ଅଭିଭାବକ ମହାସଙ୍ଘର ସଭାପତି ବାସୁଦେବ ଭଟ୍ଟ କହିଛନ୍ତି ଯେ, ଅନଲାଇନ କ୍ଳାସରେ ଯଦି 50 ଭାଗ ପିଲାରୁ ଅଧିକ ପିଲାମାନେ ପାଠ ପଢ଼ିଛନ୍ତି ତେବେ ସ୍କୁଲ କତ୍ତୃପକ୍ଷ ଏସମସ୍ତ ହିସାବ ଦିଅନ୍ତୁ । ହେଲେ ହାଇକୋର୍ଟଙ୍କ କୌଣସି ମତକୁ ଗୁରୁତର ସହ ନେଉନାହାଁ ସ୍କୁଲ୍ । ଯାହା ଫଳରେ ଅଭିଭାବକ ମହାସଂଘ ଏନେଇ ତୀବ୍ର ଅସନ୍ତୋଷ ଜାହାରି କରିଛି । ଅନ୍ୟପଟେ ତୁରନ୍ତ ଫି ଛାଡ ଉପରେ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ । ଯଦି ଏନେଇ କାର୍ଯ୍ୟକାରୀ ନହୁଏ ତେବେ ଅଭିଭାବକ ମହାସଂଘ ଆମରଣ ଅନଶନରେ ବସିବ ବୋଲି ସେ କହିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
