ଭୁବନେଶ୍ବର: ମୟୂରଭଞ୍ଜ ଜିଲ୍ଲା ବାରିପଦାରେ ଥିବା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲରେ ସ୍ଥାପନ ହେବ ଅକ୍ସିଜେନ ପ୍ଲାଣ୍ଟ । ମେଡିକାଲ୍ ଅକ୍ସିଜେନ ପାଇଁ ଗଠିତ ରାଜ୍ୟସ୍ତରୀୟ ଟାସ୍କଫୋର୍ସ ଏନେଇ ନିଷ୍ପତ୍ତି ନେଇଛି । 13 ହଜାର ଲିଟରର ଲିକ୍ବିଡ୍ ମେଡିକାଲ ଅକ୍ସିଜେନ ପ୍ଲାଣ୍ଟ ସବ ପିଏସଏ ପ୍ଲାଣ୍ଟ ସ୍ଥାପନ କରାଯିବ ବୋଲି ନିଷ୍ପତ୍ତି ନିଆଯାଇଛି ।
ଅକ୍ସିଜେନ ପ୍ଲାଣ୍ଟ ଦ୍ଵାରା ଆଇସୋଲେସନ ୱାର୍ଡ ସହ ପ୍ରସୂତି ଓ ସ୍ତ୍ରୀ ରୋଗ, ଶିଶୁରୋଗ ୱାର୍ଡ ସହ ଆଇସିୟୁ ଏବଂ ଏଚଡିୟୁ ଶଯ୍ୟାରେ ଅକ୍ସିଜେନ ମିଳିବ । ଆଗାମୀ ଦିନର ଆବଶ୍ୟକତାକୁ ଦୃଷ୍ଟିରେ ରଖି 1 ହଜାର LPM କ୍ଷମତା ବିଶିଷ୍ଟ ପିଏସଏ ଅକ୍ସିଜେନ ଜେନେରେସନ ପ୍ଲାଣ୍ଟ ସ୍ଥାପନ ଉପରେ ଟାସ୍କଫୋର୍ସ ଗୁରୁତ୍ବ ଦେଇଛି ।
ଲିକ୍ବିଡ ଅକ୍ସିଜେନ୍ ପ୍ଲାଣ୍ଟ ଏବଂ ପିଏସଏ ପ୍ଲାଣ୍ଟ ଉଭୟ ସର୍ବାଧିକ 12 ସପ୍ତାହ ମଧ୍ୟରେ କାର୍ଯ୍ୟକ୍ଷମ ସ୍ଥାପନ କରାଯାଇ କାର୍ଯ୍ୟକ୍ଷମ ହେବ । ଏଥିସହ ଦୀର୍ଘକାଳୀନ ଭାବେ ଅକ୍ସିଜେନ ଯୋଗାଣରେ ସହାୟକ ହେବ ବୋଲି ଆଶା କରାଯାଉଛି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
