ଭୁବନେଶ୍ବର: ଓଡିଶା ମହିଳା ଫୁଟବଲ ଲିଗର ଚତୁର୍ଥ ମ୍ୟାଚ ଗୁରୁବାର ସ୍ଥାନୀୟ କ୍ୟାପିଟାଲ ହାଇସ୍କୁଲ ପଡ଼ିଆରେ ଖେଳାଯାଇଥିଲା । ଏହି ମ୍ୟାଚ ଓଡିଶା ପୋଲିସ ଓ ସାଇ ମଧ୍ୟରେ ଖେଳା ଯାଇଥିବାବେଳେ, କଟକର ସାଇ ଏସଟିସି 2-1ଗୋଲ୍ରେ ବିଜୟୀ ହୋଇଛି।
ମହିଳା ଫୁଟବଲ ଲିଗ: ଚତୁର୍ଥ ମ୍ୟାଚରେ ସାଇ ଏସଟିସି ବିଜୟୀ
ସାଇ ପକ୍ଷରୁ ପ୍ରଥମ ଗୋଲ୍ ଦୀପା ନାୟକ ଖେଳର ପ୍ରଥମାର୍ଦ୍ଧରେ ଅର୍ଥାତ 36 ମିନିଟରେ କରିଥିଲେ । ପରେ ମ୍ୟାଚର90ତମ ମିନିଟରେ ଗୁଡ଼ିଆ କୁମାରୀ ଦ୍ଵିତୀୟ ଗୋଲ ସ୍କୋର କରିଥିଲେ।
ସେହିପରି ଓଡିଶା ପୋଲିସ ଗୋଲ୍ ପାଇଁ ସଂଘର୍ଷ କରିଥିଲା । ମ୍ୟାଚର ଶେଷ ଭାଗରେ 82ତମ ମିନିଟରେ ଗୋଟିଏ ଗୋଲ କରିବାକୁ ସମର୍ଥ ହୋଇଥିଲେ ସୁଦ୍ଧା ପରାଜୟ ଏଡାଇ ପାରିନଥିଲା । ସାଇ ଟିମର ଦୀପା ନାୟକଙ୍କୁ ପ୍ଲେୟାର ଅଫ ଦ ମ୍ୟାଚ ଘୋଷଣା କରାଯାଇଥିଲା।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
