ଭୁବନେଶ୍ବର : ରାଜ୍ୟରେ ଖାଲି ପଡିଥିବା ୫୭ଟି ଆଇପିଏସ ପଦବି ସ୍ଥାନରେ ଓପିଏସ ରାଙ୍କର ଅଫିସରଙ୍କୁ ଦାୟିତ୍ବ ମିଳୁ। ଏନେଇ ନବ ନିର୍ବାଚିତ ଓପିଏସ ସଂଘର ବୈଠକରେ ଆଲୋଚନା ସହ ଏ ଦିଗରେ ପଦକ୍ଷେପ ନେବାକୁ ସର୍ବସମ୍ମତି କ୍ରମେ ନିଷ୍ପତି ନିଆଯାଇଛି । ଏନେଇ ସଂଘ ରାଜ୍ୟ ସରକାରଙ୍କ ନିକଟରେ ଏ ଦିଗରେ ଦାବି ଉପସ୍ଥାପନା କରିବ। ଖାଲି ସେତିକି ନୁହେଁ, କ୍ୟାଡ଼ର ରୁଲ ୨୦୧୩ ଅନୁସାରେ, ଓପିଏସ କ୍ୟାଡ଼ର ନବୀକରଣ କରି ଅଧିକରୁ ଅଧିକ ପୋଷ୍ଟ ଅତିରିକ୍ତ ଏସପି ଓ ଏସପି ଓ ଏସଏଜିରେ କରିବା ପାଇଁ ସଂଘ ଆଲୋଚନା କରିବ।
ଏହାସହ ଏସପି ଅଫିସରୁ ୟୁନିଫର୍ମ ଆଲାଉନ୍ସ ସହ ପ୍ରମୋସନ ସୁପର ସ୍କେଲ ସମୟ ସୀମା ୩ ବର୍ଷରୁ ୨ବର୍ଷ କରିବା ଦିଗରେ ମଧ୍ୟ ବିଚାର ବିମର୍ଷ ନେଅ ବୈଠକରେ ଆଲୋଚନା କରାଯାଇଛି । ଓଡିଶା ପୋଲିସ ସର୍ଭିସ୍ ଆସୋସିଏସନ ଚଳାଇବା ପାଇଁ ଏକ କ୍ୱାର୍ଟର ବା ପ୍ଲଟ ଆଲଟମେଣ୍ଟ କରିବାକୁ ସରକାରଙ୍କ ନିକଟରେ ଦାବି ଉପସ୍ଥାପନ କରିବାକୁ ନବନିର୍ବାଚିତ ସଂଘ ପକ୍ଷରୁ ହୋଇଥିବା ବୈଠକରେ ନିଷ୍ପତି ନିଆଯାଇଛି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
