Omicron Scare: ଶୀଘ୍ର ଟିକା ନେବାକୁ ସତର୍କ କରାଇଲେ ପରିବାର କଲ୍ୟାଣ ନିର୍ଦ୍ଦେଶକ

କୋଭିଡ ନ୍ୟୁ ଭାରିଆଣ୍ଟ ଓମିକ୍ରନ(New Variant Omicron)କୁ ନେଇ ସତର୍କ କରାଇଲା ସ୍ବାସ୍ଥ୍ୟ ବିଭାଗ । ଶୀଘ୍ର ଟିକା ନେବାକୁ ଦେଲେ ପରାମର୍ଶ । ଅଧିକ ପଢନ୍ତୁ

ଭୁବନେଶ୍ବର: କୋଭିଡ ନ୍ୟୁ ଭାରିଆଣ୍ଟ ଓମିକ୍ରନ(New Variant Omicron)କୁ ନେଇ ସତର୍କ କରାଇଲା ସ୍ବାସ୍ଥ୍ୟ ବିଭାଗ । ସମସ୍ତଙ୍କୁ ଶୀଘ୍ର ଟିକା ନେବାକୁ ଆହ୍ବାନ କରିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ । ଏବେବି 46 ଲକ୍ଷ ହିତାଧିକାରୀ ଟିକା ନେଇନାହାନ୍ତି । ତେଣୁ ତୁରନ୍ତ ଟିକା ନିଅନ୍ତୁ ବୋଲି ବିଜୟ ପାଣିଗ୍ରାହୀ କହିଛନ୍ତି ।

ସେ କହିଛନ୍ତି ଯେ, ବର୍ତ୍ତମାନ ସୁଦ୍ଧା ରାଜ୍ୟରେ 4 କୋଟି 38 ଲକ୍ଷ 21 ହଜାର 708 ଟିକା ଦିଆସାରିଲାଣି । 2 କୋଟି 79 ଲକ୍ଷ 6 ହଜାର 466 ପ୍ରଥମ ଡୋଜ ନେଇଛନ୍ତି । ସେହିପରି ଦ୍ୱିତୀୟ ଡୋଜ ନେଇଛନ୍ତି 1 କୋଟି 59 ଲକ୍ଷ 15 ହଜାର 242 । 3 ଲକ୍ଷ 64 ହଜାର 59 ଜଣ ଗର୍ଭବତୀ ମହିଳା ଟିକା ନେଇଛନ୍ତି । ବର୍ତ୍ତମାନ ସୁଦ୍ଧା 46 ଲକ୍ଷ ହିତାଧିକାରୀ ପ୍ରଥମ ଡୋଜ ନେଇନାହାନ୍ତି । 31 ଲକ୍ଷ ଲୋକେ ଦ୍ୱିତୀୟ ଡୋଜ ଟିକା ନେଇନାହାନ୍ତି । ଯେଉଁମାନଙ୍କର ଟିକା ନେବାର ସମୟ ହୋଇଛି, ସେମାନେ ଯଥାଶୀଘ୍ର ଆସି ଟିକା ନେଇଯାଅନ୍ତୁ । କୋରୋନାର ନୂଆ ଭୂତାଣୁ ସଂକ୍ରମଣ କରିବା ପୂର୍ବରୁ ସତର୍କ ରହିବା ସହ ଟୀକାକରଣ କରାଇନେବା ଆବଶ୍ୟକ ବୋଲି ପରିବାର କଲ୍ୟାଣ ନିର୍ଦ୍ଦେଶକ ପରାମର୍ଶ ଦେଇଛନ୍ତି ।

ଡିସେମ୍ବର ଶେଷ ସୁଦ୍ଧା ଶତ ପ୍ରତିଶତ ଟିକା ଦିଆଯିବ ବୋଲି ଲକ୍ଷ୍ୟ ରଖାଯାଇଛି । ବିଶେଷ ଭାବରେ ଗ୍ରାମାଞ୍ଚଳକୁ ଅଧିକ ଫୋକସ କରାଯାଉଛି । ମୋବାଇଲ ଭ୍ୟାନ ଦ୍ୱାରା ଘର ଘର ବୁଲି ଟୀକାକରଣ କରାଯାଉଛି । ପ୍ରତି ଗାଁରେ ଥିବା ଆଶା କର୍ମୀ ସ୍ୱାସ୍ଥ୍ୟ କର୍ମୀ ଏବଂ ଗ୍ରାମାଞ୍ଚଳରେ ଥିବା ପ୍ରଭାବଶାଳୀ ଲୋକଙ୍କ ମାଧ୍ୟମରେ କିଭଳି ଟିକା ଦିଆଯିବ ସେନେଇ ମଧ୍ୟ ସଚେତନ କରାଯାଉଛି ।

ସେହିପରି ସବୁବେଳେ ମାସ୍କ ପିନ୍ଧିବା ଅଯଥା ଗହଳି ନ କରିବାକୁ ପରାମର୍ଶ ଦେଇଛନ୍ତି । ଆମକୁ 3 ରୁ 4 ମାସ ସତର୍କ ରହିବା ଆବଶ୍ୟକ । ଯଦି ଲୋକମାନେ କୋଭିଡ କଟକଣା ନ ମାନନ୍ତି ତେବେ ଆଗାମୀ ଦିନରେ ସଟଡାଉନ କି ଲକଡାଉନ ହୋଇପାରେ ପରିବାର କଲ୍ୟାଣ ନିର୍ଦ୍ଦେଶକ କହିଛନ୍ତି ।

ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ