ଭୁବନେଶ୍ବର: ଏଣିକି ଆକାଉଣ୍ଟରେରେ ମିଳିବ ବାର୍ଦ୍ଧକ୍ୟ ଭତ୍ତା ଟଙ୍କା । ଏନେଇ ସୂଚନା ଦେଇଛନ୍ତି ମନ୍ତ୍ରୀ ଅଶୋକ ପଣ୍ଡା । ଉଭୟ ସହରାଞ୍ଚଳ ଓ ଗ୍ରାମାଞ୍ଚଳରେ ଲାଗୁ ହେବ ଏହି ବ୍ଯବସ୍ଥା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ମଧୁବାବୁ ପେନସନ ସ୍କିମରେ 28 ଲକ୍ଷ ଓ ଏନଏସଏପିର 20 ଲକ୍ଷ ହିତାଧିକାରୀ ଉପକୃତ ହେବେ ବୋଲି ମନ୍ତ୍ରୀ ସୂଚନା ଦେଇଛନ୍ତି । ବ୍ୟାଙ୍କ ସୁବିଧା ନଥିବା ଅଞ୍ଚଳରେ ସିଧାସଳଖ ବ୍ଲକ ଓ ପଞ୍ଚାୟତରୁ ହିତାଧକାରୀ ନଗଦ ଟଙ୍କା ନେଇପାରିବେ ।
ନଭେମ୍ବର 30ରୁ ଏହି ବ୍ୟବସ୍ଥା ଲାଗୁ ହେବା ସହ ହିତାଧିକାରୀଙ୍କ ଅକାଉଣ୍ଟକୁ ଆଧାର ଲିଙ୍କ କରାଯିବା ନେଇ ନିଷ୍ପତ୍ତି ହୋଇଛି । ମଧୁବାବୁ ପେନସନ ଯୋଜନାରେ 60 ବର୍ଷରୁ ଉର୍ଦ୍ଧ୍ବ ବ୍ୟକ୍ତିଙ୍କୁ ମାସିକ 500 ଏବଂ 80 ବର୍ଷରୁ ଉର୍ଦ୍ଧ୍ବ ବ୍ୟକ୍ତିଙ୍କୁ 700 ଟଙ୍କା ଭତ୍ତା ମିଳୁଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
