ଭୁବନେଶ୍ବର: କୋରୋନା ଯୋଗୁଁ ଘୁଞ୍ଚିଲା ଓଜେଇ (OJEE) ପରୀକ୍ଷା । 12 ଜୁଲାଇ ପର୍ଯ୍ୟନ୍ତ ଘୁଞ୍ଚିଲା ଅନଲାଇନ ଆବେଦନ ତାରିଖ । କୋରୋନା ମହାମାରୀ ସମୟରେ ଅନେକ ପ୍ରବେଶିକା ପରୀକ୍ଷା ସ୍ଥଗିତ ରହିଥିବା ବେଳେ ଓଜେଇ ପରୀକ୍ଷାକୁ ମଧ୍ୟ ସ୍ଥଗିତ କରାଯାଇଥିଲା। ତେବେ ପରେ ପରୀକ୍ଷା ଜୁନ୍ 17 ରୁ 24 ମଧ୍ୟରେ ହେବ ବୋଲି ଘୋଷମଣା କରାଯାଇଥିଲା । କିନ୍ତୁ କୋରୋନା ପରିସ୍ଥିତିକୁ ଦେଖି ବର୍ତ୍ତମାନ ପରୀକ୍ଷା ଘୁଞ୍ଚାଇ ଦିଆଯାଇଛି ।
କୋରୋନା ମହାମାରୀକୁ ଦୃଷ୍ଟିରେ ରଖି ଓଡି଼ଶା ମିଳିତ ପ୍ରବେଶିକା ପରୀକ୍ଷା (OJEE) ଯାହା ଜୁନ 17 ରୁ 24 ତାରିଖ ମଧ୍ୟରେ ସ୍ଥିର ହୋଇଥିଲା ଏହାକୁ ସ୍ଥଗିତ ରଖାଯାଇଛି। କୋରୋନା ମହାମାରୀ ଯୋଗୁଁ ଆସନ୍ତା ଜୁଲାଇ ପ୍ରଥମ ସପ୍ତାହରେ ପରୀକ୍ଷାର ସଂଶୋଧିତ ତାରିଖଗୁଡ଼ିକୁ ପୁନର୍ବାର ଘୋଷଣା କରାଯିବ। ଅନଲାଇନ୍ ଆବେଦନ ଫର୍ମ ଦାଖଲ କରିବାର ଶେଷ ତାରିଖ ହେଉଛି 12 ଜୁଲାଇ ଏବଂ ଫି ପାଇଁ ଶେଷ ତାରିଖ ହେଉଛି 14 ଜୁଲାଇ। ଏନେଇ ବିଧିବଦ୍ଧ ଭାବରେ ଓଜେଇ ପକ୍ଷରୁ ବିଂଜ୍ଞପ୍ତି ପ୍ରକାଶ ପାଇଛି।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଇଟିଭି ଭାରତ
