ଭୁବନେଶ୍ବର: ବେଆଇନ ଗାଡି ପାର୍କିଂ ଓ ରାସ୍ତା ଅବରୋଧକୁ ନେଇ ରାଜ୍ୟ ଗୃହ ସଚିବ ଓ ଅତିରିକ୍ତ ପୋଲିସ ନିର୍ଦ୍ଦେଶକଙ୍କୁ ନୋଟିସ ଜାରି କରିଛନ୍ତି ରାଜ୍ୟ ମାନବାଧିକାର କମିଶନ । ବିଭିନ୍ନ ସମୟରେ କଟକ ଏବଂ ଭୁବନେଶ୍ବରରେ ହେଉଥିବା ରାଜରାସ୍ତା ଅବରୋଧକୁ ଗୁରୁତର ସହ ନେଇଛନ୍ତି କମିଶନ ।
କଟକ-ଭୁବନେଶ୍ବର ମଧ୍ୟରେ ଥିବା ପ୍ରତାପ ନଗରୀ ଅଞ୍ଚଳରେ ପ୍ରାୟତଃ ରାସ୍ତା ଜାମ ରହୁଛି । ବିଭିନ୍ନ ସମୟରେ ଲୋକେ ବେଆଇନ ଭାବେ ପାର୍କିଂ କରିବା ଯୋଗୁଁ ଦୀର୍ଘ ସମୟ ଧରି ଗାଡି ଅଟକି ରହୁଛି । ଆଉ ଏହାର ସୁଯୋଗ ନେଇ ଅପରାଧି ଫାଇଦା ଉଠାଉଛନ୍ତି । ଏପରିକି ଅନେକ ସ୍ଥାନରେ ଭଙ୍ଗାରୁଜା ମଧ୍ୟ କରୁଛନ୍ତି । ଯାହା ଦ୍ବାରା ସାଧାରଣ ଲୋକେ ଆକ୍ରମଣର ଶିକାର ହେଉଥିବା ଘଟଣା ସାମ୍ନାକୁ ଆସୁଛି । ଏନେଇ ଆସନ୍ତା ଅକ୍ଟୋବର ୨୧ ତାରିଖ ସୁଦ୍ଧା ରିପୋର୍ଟ ଦାଖଲ କରିବାକୁ ଗୃହ ସଚିବ ଓ ଡିଜିପିଙ୍କୁ ନିର୍ଦ୍ଦେଶ ଦିଆଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
