ଭୁବନେଶ୍ବର: ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଘୋଷଣା କରିଥିଲେ କି 'ଅମ୍ଫାନ' ସହାୟତା ବାବଦକୁ ଓଡିଶାକୁ 500 କୋଟି ଟଙ୍କା ମିଳିବ । ଏହି ଘୋଷଣାର 24 ଘଣ୍ଟା ମଧ୍ୟରେ ଓଡିଶା ଖାତାକୁ ଆସିଛି 500 କୋଟି ଟଙ୍କା । ରାଜ୍ୟ ବିପର୍ଜ୍ୟୟ ପରିଚାଳନା ପାଣ୍ଠିକୁ ଏହି ଅର୍ଥ ଆସିଥିବା ଟ୍ବିଟ କରି ଖୋଦ୍ ସୂଚନା ଦେଇଛନ୍ତି ସ୍ଵତନ୍ତ୍ର ରିଲିଫ କମିଶନର ପ୍ରଦୀପ ଜେନା ।
ମେ 20ରେ ଆସିଥିଲା 'ଅମ୍ଫାନ' । ତା'ର କରାଳର ରୂପର ଶୀକାର ଓଡିଶା ମଧ୍ୟ ହୋଇଥିଲା । ତେବେ ଓଡିଶାର ସେହି ପ୍ରଭାବିତ ଅଞ୍ଚଳର ପରିଦର୍ଶନ କରିବା ପାଇଁ ଶୁକ୍ରବାର ଭୁବନେଶ୍ବର ବିମାନବନ୍ଦରରେ ପହଞ୍ଚିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ହେଲିକପ୍ଟର ଯୋଗେ ଅମ୍ଫାନ ପ୍ରଭାବିତ ଅଞ୍ଚଳକୁ ଆକାଶ ମାର୍ଗରେ ବୁଲି ଦେଖିଥିଲେ । ତାଙ୍କ ସହ ଉପସ୍ଥିତ ଥିଲେ ରାଜ୍ୟପାଳ, ମୁଖ୍ୟମନ୍ତ୍ରୀ ଓ 2ଓଡିଆ କେନ୍ଦ୍ରମନ୍ତ୍ରୀ । ତେବେ ସ୍ଥିତି ଅନୁଧ୍ୟାନ କରିବା ପରେ ପ୍ରଧାନମନ୍ତ୍ରୀ ରାଜ୍ୟକୁ 'ଅମ୍ଫାନ' କ୍ଷୟକ୍ଷତି ବାବଦରେ 500 କୋଟିର ପ୍ୟାକେଜ ଘୋଷଣା କରିଥିଲେ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
