ଭୁବନେଶ୍ବର: ଆସନ୍ତା ୧୫ରେ ରାଜ୍ୟବ୍ୟାପୀ ଧର୍ମଘଟକୁ ଓହ୍ଲାଇବ ଓଡିଶା ମୋଟର ଚାଳକ ସଂଘ । ସାମାଜିକ ସୁରକ୍ଷା, ଶ୍ରମ କାର୍ଡ ପ୍ରଦାନ, ବୀମା ଓ ପେନ୍ସନ ସୁବିଧା ଓ ରାତ୍ରି ବିଶ୍ରାମଗାର ସୁବିଧା ଯୋଗାଇଦେବା ଭଳି ବିଭିନ୍ନ ଦାବିକୁ ନେଇ ନଭେମ୍ବର ୧୫ ରେ ମଟର ଚାଳକ ସଂଘ ମିଳିତ ମଞ୍ଚ।
୧୦ ଲକ୍ଷରୁ ଉର୍ଦ୍ଧ୍ବ ଡ୍ରାଇଭର ବା ଚାଳକ ଏହି ଧର୍ମଘଟରେ ସାମିଲ ହେବେ । ସକାଳ ୬.୦୦ ରୁ ସନ୍ଧ୍ୟା ୬.୦୦ ପର୍ଯ୍ୟନ୍ତ ଅର୍ଥାତ ୧୨ ଘଣ୍ଟା ରାଜ୍ୟରେ ଅଖଚଖ ବନ୍ଦ କରିବା ପାଇଁ ଚେତାବନୀ ଦେଇଛି ସଂଘ । ଦାବି ପୂରଣ ନେଇ ସମସ୍ତଙ୍କୁ ଅବଗତ କରାଇଥିଲେ ମଧ୍ୟ କୌଣସି ସୁଫଳ ମିଳିନାହିଁ। ଦୀର୍ଘଦିନ ଧରି ହକ୍ ପାଇଁ ଲଢେଇ କରୁଥିଲେ ମଧ୍ୟ ସରକାର ଦାବି ନେଇ କୌଣସି କର୍ଣ୍ଣପାତ କରୁନଥିବା ଅଭିଯୋଗ କରିଛନ୍ତି ସଂଘର ସଦସ୍ୟ । ବାରମ୍ବାର ପ୍ରତିଶ୍ରୁତି ମିଳିଥିଲେ ମଧ୍ୟ ତାହା ପୁରଣ ହୋଇନାହିଁ ।
ଫଳରେ ଏହା ଏକ ଜନ ଆକ୍ରୋଶର ରୂପ ନେବାସହ ଉଦ୍ବେଗ ପ୍ରକାଶ କରି ସଂଘ ପକ୍ଷରୁ ଧର୍ମଘଟର ଡାକରା ଦିଆଯାଇଛି । ୧୪ ତାରିଖ ଭିତରେ ସରକାର ନ ଶୁଣନ୍ତି ତେବେ ଆନ୍ଦୋଳନ ଜୋରଦାର ହେବ ବୋଲି ସଂଘ ଚେତାବନୀ ଦେଇଛି । ରାଜ୍ୟର ସମସ୍ତ ସମସ୍ତ ଅଞ୍ଚଳରୁ ରାଜଧାନୀ ପର୍ଯ୍ୟନ୍ତ ଅଧିକାର ଓ ଦାବି ନେଇ ଆନ୍ଦୋଳ ହେବାନେଇ ସଂଘ ପକ୍ଷକୁ କୁହାଯାଇଛି । ସବୁକିଛି ବନ୍ଦ କରିବା ପାଇଁ ଆଉ ଲୋକଙ୍କ ଯାତାୟାତର ସମାଧାନ ପାଇଁ ସରକାର ହିଁ ଦାୟୀ ରହିବେ ବୋଲି ସଂଘର ସଦସ୍ୟ ମାନେ କହିଛନ୍ତି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
