ଭୁବନେଶ୍ବର:ରାୟପୁରରେ ଓଡିଆ ଶ୍ରମିକଙ୍କ ବସ ଦୁର୍ଘଟଣା ଉପରେ ‘ଓଡିଶା ମୋ ପରିବାର’ ପକ୍ଷରୁ ଅରୂପ ପଟ୍ଟନାୟକ ପ୍ରେସମିଟ୍ । ମୋ ପରିବାର ଆବାହକ ଅରୂପ ପଟ୍ଟନାୟକ କହିଛନ୍ତିଏହା ଅତ୍ୟନ୍ତ ଦୁଃଖଦାୟକ ଘଟଣା। କୋଭିଡ ସମୟରେ ରାୟପୁରରେ ଏହି ଘଟଣା ଘଟିଛି, ଯାହା ଚିନ୍ତା ଜନକ । ସରକାର ଆହତଙ୍କ ତ୍ବରିତ୍ବ ଚିକିତ୍ସା ସହ ମୃତଦେହକୁ ଗଞ୍ଜାମ ଆଣିବାକୁ ସମସ୍ତ ବ୍ୟବସ୍ଥା କରୁଛନ୍ତି । ଏହି ଦୁର୍ଘଟଣା ଆଜି ଭୋର ସମୟରେ ରାୟପୁର ଚେରିଖେଡି ନିକଟରେ ଘଟିଥିବାବେଳେ ଏଥିରେ 8 ଜଣଙ୍କ ମୃତ୍ୟୁ ହେବା ସହ 7 ଜଣ ଗୁରୁତର ଆହତ ହୋଇଛନ୍ତି ।
ପୂର୍ବରୁ କୋଭିଡ ସମୟରେ ସେମାନେ ଓଡ଼ିଶା ଫେରିବା ବେଳେ ଦୁର୍ଘଟଣା ଘଟିଥିଲା। ଏବେ ଗୁଜୁରାଟ ଯିବା ସମୟରେ ପୁଣି ଦୁର୍ଘଟଣା ହୋଇଛି। ବସରେ 65ରୁ ଅଧିକ ଶ୍ରମିକ ଥିଲେ । ସେପଟେ ଦୁର୍ଘଟଣାର କାରଣ ସ୍ପଷ୍ଟ ହୋଇନାହିଁ। ଡ୍ରାଇଭର ଫେରାର ଅଛନ୍ତି । ସେପଟେ ଉଦ୍ଧାର କାର୍ଯ୍ୟ ତ୍ଵରାନ୍ବିତ କରାଯାଇଛି ହୋଇଛି। ଓଡ଼ିଶା-ମୋ ପରିବାର ପକ୍ଷରୁ ସବୁ ତ୍ଵରାନ୍ବିତ ହୋଇଛି। ଆଗକୁ ଯେଭଳି ଏମିତି ଘଟଣା ନହୁଏ ସେ ନେଇ ସଚେତନତା ଉପରେ ପ୍ରାଥମିକତା ଦିଆଯିବ।
ସେପଟେ ମୁଖ୍ୟମନ୍ତ୍ରୀ ଘଟଣାରେ ଶୋକ ପ୍ରକାଶ କରିବା ସହ ମୃତକଙ୍କ ପରିବାରକୁ 2 ଲକ୍ଷ ଟଙ୍କା ଘୋଷଣା କରିଛନ୍ତି । ଏଥିସହ ଘଟଣାସ୍ଥଳକୁ ମନ୍ତ୍ରୀ ସୁଶାନ୍ତ ସିଂଙ୍କୁ ଯିବାକୁ କୁହାଯାଇଛି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
