ଭୁବନେଶ୍ବର: ଦେଶର ଅନ୍ୟ ସମସ୍ତ ରାଜ୍ୟ ତୁଳନାରେ ଓଡିଶାରେ ସର୍ବାଧିକ ଜଙ୍ଗଲରେ ଲାଗୁଛି ନିଆଁ । ଫରେଷ୍ଟ ସର୍ଭେ ଅଫ୍ ଇଣ୍ଡିଆ (FSI) ତଥ୍ୟ ଅନୁସାରେ 2020 ନଭେମ୍ବରରୁ 2021 ଜୁନ ମଧ୍ୟରେ ଦେଶରେ 345989 ଟି ଜଙ୍ଗଲରେ ନିଆଁ ଲାଗିଛି । ତେବେ ଓଡିଶାରେ ଏହି ସଂଖ୍ୟା 51986 ରହିଛି, ଯାହା ଦେଶରେ ସର୍ବାଧିକ ।
ସେହି ଜିଲ୍ଲାଗୁଡିକ ହେଲା କନ୍ଧମାଳ, ସୁନ୍ଦରଗଡ, ମୟୂରଭଞ୍ଜ, କଳାହାଣ୍ଡି କେନ୍ଦୁଝର ଓ ରାୟଗଡା ରହିଛି । ପ୍ରତିବର୍ଷ ନଭେମ୍ବରରୁ ମଇ ମାସ ମଧ୍ୟରେ ଦେଶରେ ଜଙ୍ଗଲ ଅଗ୍ନିକାଣ୍ଡ ସଂଖ୍ୟା ବଢିବାରେ ଲାଗିଛି । ଜଙ୍ଗଲରେ ଅଗ୍ନିକାଣ୍ଡ ରୋକିବା ପାଇଁ ରାଜ୍ୟ ସରକାର ଅନେକ କାର୍ଯ୍ୟ କରାଯାଉଛି । ଜଙ୍ଗଲରେ ଅଗ୍ନିକାଣ୍ଡ ଘଟିବା ପୂର୍ବରୁ ସତର୍କତା ସହିତ ସ୍ଥାନୀୟ ବାସିନ୍ଦାମାନଙ୍କୁ ଏଥିରେ ସାମିଲ କରାଯାଉଛି । ନିଆଁକୁ ଆୟତ୍ତ କରିବା ପାଇଁ ସ୍ୱତନ୍ତ୍ର ଏସଓପି ଜାରି କରାଯାଇଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
