ଭୁବନେଶ୍ବର: ଆପୋଲୋ ବିରୋଧରେ ଏନଏଚଆରସି କାର୍ଯ୍ୟାନୁଷ୍ଠାନ ନେଵା ପ୍ରସଙ୍ଗରେ ସ୍ଵାସ୍ଥ୍ୟମନ୍ତ୍ରୀଙ୍କ ପ୍ରତିକ୍ରିୟା । ଆପୋଲୋର ପଞ୍ଜିକରଣ ବାତିଲ ପାଇଁ ଜାତୀୟ ମାନବାଧିକାର କମିଶନ(ଏନଏଚଆରସି)ଙ୍କ ନିର୍ଦ୍ଦେଶକୁ ଗଣମାଧ୍ୟମରୁ ଜାଣିଥିବା କଥା କହିଲେ ସ୍ଵାସ୍ଥ୍ୟମନ୍ତ୍ରୀ ନବ ଦାସ ।
ଆପୋଲୋ ହସ୍ପିଟାଲରେ ଜାଲ କାଗଜପତ୍ର ମାଧ୍ୟମରେ କିଡନୀ ପ୍ରତ୍ୟାରୋପଣ ଅଭିଯୋଗ ହୋଇଥିଲା । ଏହି ଘଟଣାକୁ ନେଇ ଏନଏଚଆରସି କାର୍ଯ୍ୟାନୁଷ୍ଠାନ ଘଟଣାରେ ସ୍ବାସ୍ଥ୍ୟମନ୍ତ୍ରୀ କହିଛନ୍ତି ଯେ, ଏ ବିଷୟରେ ସମ୍ବାଦପତ୍ରରୁ ଜାଣିବାକୁ ପାଇଲି । କିନ୍ତୁ ଏନଏଚଆରସିରୁ କୌଣସି କାଗଜପତ୍ର ବିଭାଗକୁ ଆସିନି । ଏ ସମ୍ପର୍କରେ ତଥ୍ୟ ମିଳିବା ପରେ ତର୍ଜମା କରି ଦୃଢ କାର୍ଯ୍ୟାନୁଷ୍ଠାନ ନିଆଯିବ।
ସୂଚନା ଅନୁସାରେ, ଆପୋଲୋ ହସ୍ପିଟାଲର ଲାଇସେନ୍ସ ବାତିଲ କରିବା ସହ 4 ସପ୍ତାହ ମଧ୍ୟରେ କାର୍ଯ୍ୟାନୁଷ୍ଠାନ ନେବାକୁ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ଜାତୀୟ ମାନବାଧିକାର କମିଶନ ।
ଏଥିସହିତ ଅଭିଯୋଗକାରୀଙ୍କୁ 2 ଲକ୍ଷ ଟଙ୍କାର କ୍ଷତିପୂରଣ କାହିଁକି ଦିଆ ନଯିବ, ସେନେଇ କାରଣ ଦର୍ଶାଅ ନୋଟିସର ଉତ୍ତର 2 ମାସ ଭିତରେ ରଖିବା ପାଇଁ କହାଯାଇଛି । ବେଆଇନ କିଡନୀ ପ୍ରତ୍ୟାରୋପଣ ପାଇଁ ଏଭଳି ନିର୍ଦ୍ଦେଶ ଦେଇଥିଲେ କମିଶନ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
